Kuwahisa Uhashi Wetu wa—Kwambujola Kulongesa ni Yinema

MUMU LIAKA CHILI CHILEMU:

Yinema muyihasa kukwata ku mbunge ja atu, kutala ni kupanjika chakukwasa. Yakukwasa atu ahulikile kanawa ha yize anatale ni kutulika sango jacho mu mbunge. Yehova hanatwehe chilweza chipema cha kuzachisa yizulie ha kulongesa.—Yili. 10:9-16 Uso. 1:1.

Yinema yinambe ngwo, Shina Zambi Jina Akwete? Mwenya Mbimbiliya Iya? ni Kuchi Tunanyingika Ngwetu Mbimbiliya Yili ni Umwenemwene? muyikwasa ha malongeso 2 ni 3 a kamukanda Sango Jipema. Yinema yinambe ngwo, Mumu Liaka Chatamba Kulilongesa Mbimbiliya?, Kuchi Longeso lia Mbimbiliya Akulilinga?, ni Yika Yakupwa mu Zuwo Lia Wanangana? yakukolweza atu hanga alilongese Mbimbiliya ni yetu hanji kuya ku kukunguluka chetu. Mutuhasa kusolola yimwe yinema yetu yisuku hakulongesa a longi jetu a Mbimbiliya.—km 5/13 3.

CHIZE TWATAMBA KULILULIEKA:

• Lianga kuchiza chinema chize mufupa kusolola kuli mwenya zuwo

• Lulieka chihula chimuwika hanji yaali yize makakumbulula ha chinema

• Talenu chinema hamuwika

• Shimutwinenu yikuma yilemu

ESEKA KULINGA YINO:

• Talenu kunyima ya tratado nulweke mwenya-zuwo codico yize muyimusongwela ku chinema chakwamba ngwo, Mumu Liaka Chatamba Kulilongesa Mbimbiliya?

• Solola chinema chakwamba ngwo, Kuchi Tunanyingika Ngwetu Mbimbiliya Yili ni Umwenemwene? ni kuhana kuli mutu kamukanda, Sango Jipema, ni kumulumbunwina hakehe longeso