Twakusolola Zango ha Kukwasa Fumbo Lia Yehova

Kusosolola chakufunga chikungulwila, nawa chakufumba chivulumunyi yoze kalikonyekene. (1Ko 5:6, 11) Muze twakukwasa fumbo lia Yehova, twakusolola zango. Shina mutuhasa kutayiza maliji wano chipwe ngwe kusosolola chakuneha yikola kuli mutu yoze asosolola, asoko jenyi ni makulwana a mu komite ya kusopesa?

Chikwo nawa, muze twakukwasa shimbi hakutwala ku kusosolola, twakusolola ngwetu, twakuzanga jina lia Yehova ni shimbi asele hakutwala ku usandu. (1Pe 1:14-16) Twakusolola nawa ngwetu twakuzanga mutu yoze asosolola, mumu chipwe ngwe fumbo liakuneha chinyengo kuli mutu yoze asosolola, nihindu ‘kulutwe liakwima mihuko ya ululi.’ (Hep 12:5, 6, 11) Nyi mutulikata ni atu waze hanasolola hanji waze hanalisosolola ene, mutulelesa shimbi ya Yehova hakutwala ku fumbo. Iwuluka ngwe, Yehova kakufumba atu jenyi mu jila ‘yalita.’ (Jer 30:11) Nyi twakwasa fumbo lia Yehova ni kununga ni kumulingila, mutushimbwila ngwetu mutu yoze asosolola mafuna kuli Tata yetu wa keke, Yehova.—Iza 1:16-18; 55:7.

TALENU CHINEMA, SHISHIKA NI MBUNGE YESWE, MBA NUSHIMUTWINE NI MBUNGA YIHULA YINO:

• 

  Kuchi yisemi akwivwa muze mwano akwecha kuwayila Yehova?

• 

  Kuchi mandumbu mu chikungulwila mahasa kukwasa asoko ja mutu yoze asosolola?

• 

  Sango jika ja mu Mbimbiliya jize jakusolola ulemu wa kushishika kuli Yehova kuhiana kuli asoko?

• 

  Kuchi mutuhasa kusolola ngwetu twakushishika kuli Yehova kuhiana kuli asoko jetu?