Fumbo Liakusolola Zango Lia Yehova

Fumbo linatale ha kulongesa ni kufumba, linatale nawa ha kululamisa ni kuzangamisa. Yehova kakutufumba hanga tumuwayile mu jila yalita. (Ro 12:1; Hep 12:10, 11) Ha mashimbu amwe, fumbo liakuneha yikola ku mbunge, alioze liakutwala ku ululi ni yiwape. (Yis 10:7) Waze akuhana fumbo ni waze akulitambula, yika atamba kwiwuluka?

Chihanyi. Makulwana a mu chikungulwila, yisemi ni atu akwo, kakusa tachi hanga ahane fumbo ni zango hamwe ni uhomboloji ngwe chize Yehova akulinga. (Jer 46:28) Chipwe fumbo lize likalu katamba kulihana kulita ni yize mutu alinga, nawa ni zango.—Tit 1:13.

Yoze matambula fumbo. Jila yeswayo matuhelamo fumbo, kutwatambile kuliehuka, alioze twatamba kulikaula ni kawashi. (Yis 3:11, 12) Muze tuli yihenge, tulieswe twakufupiwa fumbo lize liakwiza mu majila eka ni eka. Mahasa kutufumba kupalikila mu yize twakutanga mu Mbimbiliya ni yize twakwivwa ha kukunguluka. Ha mashimbu amwe mahasa kutufumba kupalikila mu komite yakusopa. Nyi twatayiza fumbo ni kulikaula, mutuzuka yiwape yinji.—Yis 10:17.

SOLOLA CHINEMA, ‘YOZE YEHOVA AKUZANGA KAKUMUFUMBA,’ MBA NUKUMBULULE YIHULA YINO:

• 

  Mwono uka Canon apwile nawo, nawa kuchi walumukine?

• 

  Fumbo lika lia zango atambwile kuli Yehova?

• 

  Yika twalilongesa ha chilweza chino?