MWONO WA AKWA-KRISTU
Yize Mutuhasa Kulilongesa ku Mwono wa Samuele
Samuele yanunga ni kushishika ku mwono wenyi weswe. Muze apwile mukweze, iye yalituna kupwa ni yitanga ya kalimbalimba ngwe ana ja Eli, Hofni ni Finehase. (1Sa 2:22-26) Samuele yanunga ni kukola, nawa Yehova yanunga kupwa hamwe nenyi. (1Sa 3:19) Chipwe muze te hakola, nihindu yanunga ni kuwayila Yehova ni ushishiko weswe, chipwe ngwe ana jenyi te keshi kukaula shimbi ja Yehova.—1Sa 8:1-5.
Yika chilweza cha Samuele muchihasa kutulongesa? Nyi uli mukweze, nyingika ngwe Yehova kananyingika yipikalo yize wakupalika ni chize wakwivwa. Iye mahasa kukukwasa hanga upwe ni hamu. (Iza 41:10, 13) Nyi uli chisemi yoze mwane haneche kuwayila Yehova, wana utakamiso ha chilweza cha Samuele yoze kakashinjilile ana yenyi hanga anunge ni kushishika ku shimbi ja Yehova. Muze Samuele akunjikile chikuma chino ku moko ja Yehova, iye yafunga ushishiko wenyi ni kuvwisa kuwaha Tato wa mu malilu, Yehova. Chilweza che chipema, muchihasa kukwasa mwane hanga afune kuli Yehova.
SOLOLA CHINEMA, LILONGESE HA CHILWEZA CHA—SAMUEL, MBA NUKUMBULULE YIHULA YINO:
Kuchi Samuele asolwele hamu muze te uchili mukweze?
Kuchi Danny asolola hamu?
Kuchi Samuele apwile chilweza chipema chipwe muze te hakola?
Yehova kakufunga waze akununga ni kulinga yuma yize yalita
Kuchi yisemi ja Danny ali chilweza chipema?