Shina Unazachisa Kanawa Maliji Akukopa Amu Mbimbiliya?

Maliji akukopa amu Mbimbiliya yika? Maliji akukopa amu Mbimbiliya, kanatale ha maliji akukopa amu Mbimbiliya Tradução do Novo Mundo. Kanayilinga hakehe-hakehe mu malimi amwe. Chuma chimwe hakutwala ku maliji akukopa amu Mbimbiliya chili kuzachisa maliji ja mandumbu ni mapangi alisa kulita ni lusango yoze analumbununa mu Mbimbiliya. Maliji jacho kakwatanga hanga alumbunune kanawa yize Mbimbiliya yakwamba.

Yika atu amwe akwamba hakutwala ku maliji akukopa amu Mbimbiliya? Anji a kuli atu waze akupanjika maliji akukopa amu Mbimbiliya, kakuzanga chinji chize maliji jacho akwakwasa kunyonga ha yize Mbimbiliya yakwamba ni kunyingika kanawa yize yili yakusoneka mu Mbimbiliya. Ayo kakwamba nawa ngwo, kwivwa atu alisa mu maliji akukopa, chakwakwasa kuzanga chinji sango ja mu Mbimbiliya. (Yishi. 4:5) Amwe nawa kakwamba ngwo, kupanjika maliji akukopa amu Mbimbiliya chakwakwasa muze ananenganyana.—Samu 94:19.

Kupanjika maliji akukopa amu liji lia Zambi, muchihasa kukwata ku mwono wetu. (2Sg 34:19-21) Nyi maliji akukopa amu Mbimbiliya kali mu limi lize yena wakuhanjika, muhasa kwazachisa ha tangwa ni tangwa ku mwono we.

SOLOLA CHINEMA, CHIZE AKUFWAMBWISA MALIJI AKUKOPA AMU MBIMBILIYA—CHIHANDA, MBA NUKUMBULULE CHIHULA CHINO:

Yika yakukukomwesa ha chize akufwambwisa maliji akukopa amu Mbimbiliya?