Yuma Yize Muyikukwasa Kutanga Mbimbiliya Tangwa ha Tangwa

Mumu lia yuma yinji ya kulinga, Shina chakupwa chikalu kuli yena kutanga Mbimbiliya matangwa eswe? (Yoshu. 1:8) Nyi chenacho, eseka kulinga yuma yino:

• Linga umwe katalilo. Sako alarme mu telefone ye yize muyikwiulula mashimbu waze watesanga kutanga Mbimbiliya.

• Sako Mbimbiliya ye ha chihela haze muhasa kuyimona. Nyi ngwe wakutanga Mbimbiliya ya ha mafwo, yise haze muchipwa chashi kuyimona tangwa ha tangwa.—Shimbi 11:18.

• Panjika Mbimbiliya mu maliji a kukopa. Panjika Mbimbiliya mu maliji a kukopa muze unalingi milimo ya tangwa ni tangwa. Tara, umwe pionelu nawa chisemi yoze wakukalakala ha ufuku, yamba ngwenyi: “Kupanjika Mbimbiliya mu maliji a kukopa muze ngunalingi milimo ya ku zuwo, chakungukwasa kutanga Mbimbiliya tangwa ni tangwa.”

• Kanda Uhonga. Nyi ngwe mukulingiwa yimwe mba kuwahashile kutanga Mbimbiliya ha shimbu lize watesele, tanga wika jimwe versu ja Mbimbiliya shimbu kanda uchiya ni kupomba. Chipwe ngwe mutanga versu jikehe wika ha tangwa, muyuka chinji.—1 Petu. 2:2.