Yena Muhasa Kukwasa Hanga Upwe ni Uwahililo mu Usoko We

Yehova kanazange hanga asoko eswe awahilile. (Sam 127:3-5; Chi 9:9; 11:9) Alioze, mutuhasa kutokesa uwahililo mumu lia yuma ya hano hashi hanji mumu lia tupalia twa asoko jetu. Yika hita mutu mahasa kulinga hanga anehe uwahililo mu usoko wenyi?

Lunga katamba kulemesa mukwo-pwo. (1Pe 3:7) Iye katamba kupalikisa nenyi mashimbu. Lunga katamba kupwa ni nyonga lialita hakutwala kuli mukwo-pwo ni kusakwilila yize mukwo-pwo akulinga kuli iye ni mu usoko wo. (Kol 3:15) Iye kakusolola zango hali mukwo-pwo ni kumuchichimieka.—Yis 31:28, 31.

Pwo kakufupa majila akukwashilamo mukwo-lunga. (Yis 31:12) Iye kakuzeyela mukwo-lunga ni kumukwasa. (Kol 3:18) Iye kakuhanjika ni vumbi hakutwala kuli mukwo-lunga ni muze akuhanjika nenyi.—Yis 31:26.

Yisemi kakupalikisa mashimbu ni ana jo. (Shi 6:6, 7) Ayo kakwalweza ngwo kakwazanga. (Mat 3:17) Yisemi kakusolola zango ni malinjekela muze akufumba ana jo.—Efw 6:4.

Ana kakuvumbika ni kwononokena yisemi jo. (Yis 23:22) Ayo kakuhanjika ni yisemi hakutwala ku yize akunyonga ni chize akulivwa. Ayo kakutayiza fumbo lia yisemi jo ni kwasolwela vumbi.—Yis 19:20.

SOLOLA CHINEMA, PWENU NI UWAHILILO MU USOKO, MBA NUKUMBULULE CHIHULA CHINO:

Yika hita mutu alingile hanga apwe ni uwahililo mu usoko wenyi?