MWONO WA AKWA-KRISTU
Yehova Kakulamwina Waze Amakuka ku Mbunge
Ha mashimbu amwe hita umwe wa kuli yetu kakwivwa chinyengo ku mbunge. Chino kuchalumbunukine ngwo twajamine ku ufulielo, mumu Mbimbiliya yakwamba ngwo, chipwe Zambi ha mashimbu amwe kakwiva chinyengo. (Upu 6:5, 6) Mba, nyi ngwe twakunenganyana mashimbu eswe?
Eta ukwaso kuli Yehova mu yilemba: Yehova kakulihulumba ha yize yili mu mbunge yetu ni chize twakunyonga. Iye kakumona muze twakuwahilila ni muze twakunenganyana. Iye kananyingika mumu liaka twakunyonga yimwe ni chize twakulivwa. (Sam 7:9b) Chahiana ulemu, Yehova kakulihulumba hali yetu, iye mahasa kutukwasa kukumba yinyengo yetu hanji yikola ya ku mbunge.—Sam 34:18.
Sako tachi hanga ulifunge kanawa ku manyonga. Manyonga api mahasa kupihisa uwahililo ni uwayilo wetu. Kashika, mutulinga kanawa nyi twafunga mbunge yetu—chekwamba, chize tuli muchima.—Yis 4:23.
SOLOLA CHINEMA, MANDUMBU JETU KALI NI SAMBUKILA CHIPWE NGWE KANAHONGO KU MBUNGE, MBA NUKUMBULULE YIHULA YINO:
Yika Nikki alingile mba ahase kukumba yikola yenyi ya ku mbunge?
Mumu liaka Nikki anyongene ngwenyi kanafupiwa ukwaso wa mandotolo?—Mat 9:12
Kuchi Nikki asolwele ngwenyi kakujikijia ha ukwaso wa Yehova?