Wana Malongeso ha Yizulie

Mu mikanda yetu, mwakwiza yizulie yize yakutukwasa kulilongesa yikuma yilemu. Kuchi yizulie yacho muyihasa kukukwasa?

• Shimbu kanda uchitanga lusango, lianga kutala yizulie. Yizulie yacho, muyihasa kukukwasa utange yize yili ha lusango wacho. Ngwe chilweza, muze twakumona kulia chiyema, twakuzanga chinji kuchilia. Chizechene nawa, nyi walianga kutala yizulie, chino muchikwaha usona wakutanga yize yiliho. Kashika lihule ngwe: ‘Yika ngunamono ha yizulie yize yili ha mutwe uno?’—Amo. 7:7, 8.

• Muze unatange umwe lusango, eseka kumona yize aselaho yizulie. Chikwo nawa, tanga maliji waze akwiza ni yizulie ni ulumbunwiso wa yizulie. Nyonga ha chize yizulie yacho yinalite ni lusango yoze unatange ni malongeso waze wawana ha yizulie yacho.

• Muze hiwatanga, tala chize yizulie yacho muyikukwasa kwiuluka yikuma yilemu ya mutwe uze watanga. Hanyima, eseka kwiuluka yizulie yacho ni malongeso waze wawanaho.

• Nyi muchilita, kaula chikuma chacho ha kaposhi yono. Tala nawa yizulie ni kwiuluka malongeso waze wawanaho.