Lianyine ni Akwenu Yize Walilongesa

Muze twakulilongesa Mbimbiliya twakulivwa kanawa. Alioze twakwivwa chinji kuwaha, muze twakulianyina ni akwetu yuma ya utakamiso yize twakuwana muze twakulilongesa. Mukanda wa Yishima 11:25, unambe ngwo: “Yoze wakuhinjila akwo neye kumakamuhinjila.”

Muze twakulianyina ni akwetu yuma yize twakulilongesa, chakutukwasa kwiuluka yikuma yacho ni kawashi ni kwokesa yinyingi yetu. Amu yikuma yino muyihasa kukwasa akwetu, twakuwahilila ha kulianyina no yikuma yacho.—Yili. 20:35.

Yize muhasa kulinga: Mukachi ka paso, fupa uhashi wa kulianyina ni umwe yize walilongesa. Muhasa kuchilinga ha kuhanjika ni umwe mu usoko we, mu chikungulwila, kuli mukwa-mulimo-ni-mukwenu, kuli longi-ni-mukwenu, kuli mwenyembo we, hanji kuli mutu mweswawo yoze muliwana nenyi mu munda. Lumbununa sango jacho mu maliji je, nawa mu jila yashi.

Iwuluka ngwe: Chuma chize muchikutwala kulianyina ni akwenu yize walilongesa, chili kwatakamisa hi ko ngwo akukomoke.—1 Kori. 8:1.