Shina Akwa-Nações Unidas Mahasa Kuhwisa Kapinda wa Climática?—Yika Mbimbiliya Yakulongesa?

Ha Liayenga 20 ya Novembro, 2022, chizavu cha COP27 cha Akwa-Nações Unidas chize chatala ha yuma ya kwalumuka cha climática, kahwishile kukunguluka chize apwile nacho. Chipwe ngwe o kalitesele ngwo mahana mbongo ku yifuchi yize kuyishi mbongo jinji hanga ahase kuhwisa kapinda yono, nihindu atu anji kanatayiza ngwo, chiyulo chacho kuchichi kuhwisa chishina cha mulonga wacho.

• Ngunawahilila chinji ha kunyingika ngwami, twatesa kuhana mbongo ku yifuchi yize yinapinji ni kwalumuka cha climática, alioze yino kuyishi kukwasa chinji . . . mumu planeta yetu yili mu ponde yinene,” yino ye ambile António Guterres, Secretário-Geral wa Nações Unidas, ha 19 ya Novembro, 2022.

• Chinasoloka ngwe kwasala hakehe, hashi muhapalika mu yimwe ponde yinene ya kwalumuka cha climática yize muyikwata hali atu eswe.”—Mary Robinson, former president of Ireland and former UN High Commissioner for Human Rights, ha 20 Novembro, 2022.

Akweze kanalipikala chinji hakutwala ku chize hashi muhakapwa kulutwe lia matangwa. Alioze, shina yifuchi muyihasa lume kukalakala hamuwika hanga yihwise kapinda yono wa kupihia cha climática? Yika Mbimbiliya yakulongesa?

Shina yifuchi nyi yalichinga hamuwika muyihwisa kapinda wacho?

Mbimbiliya yakusolola ngwo, chipwe ngwe atu makalakala chinji ni kusa tachi hanga ahwise ponde yize yinasoloka ku climática, nihindu o keshi ni uhashi wakuyihwisa. Talenu yikuma yaali yize yinakwate nyonga liacho:

• “Chize chahenga kechi kuhasa kuchilulamisa.”—Chilumbununyi 1:15.

  Maliji wano kanalumbunuka ngwo: Manguvulu kechi kuhasa kululieka yuma hano hashi, mumu atu kakaatangile hanga aliyule ene. (Jeremia 10:23) Chipwe lume yifuchi muyilichinga hamuwika ha chikuma chino, nihindu kuyichi kuhwisa milonga hano hashi, chipwe ngwe manguvulu masa tachi jeswajo.

• Mumu atu kumakapwa akwa kulifwila ene, akwa kufwila mbongo, . . . keshi kuhutuka.”—2 Timoteu 3:2, 3.

  Maliji wano kanalumbunuka ngwo: Mbimbiliya yambile kulu ni ushishiko weswe ngwo, atu ha matangwa jetu te mapwa akwa-kuzo, nawa kechi kuzanga kukalakala hamuwika ni akwo hanga alulieke yuma.

Chize kapinda wacho mahwa

Alioze, yuma yize muyilingiwa hano hashi kulutwe lia matangwa, kuyatalile ha yilakenyo ya manguvulu. Zambi hanase umwe Mwanangana wamwenemwene, Yesu Kristu. Hakutwala kuli iye, Mbimbiliya yinambe ngwo:

• “Chiyulo kumuchikapwa ha chipaya chenyi, jina lienyi mamuluka ngwo, Longeshi wa mana, Zambi ya Ndundo, Tata ya Miakulwila, Mwanangana wa Sambukila.”—Izaia 9:6.

Yesu kali Mwanangana mu Wanangana wa Zambi, hanji ngwetu unguvulu wa mu malilu. (Mateu 6:10) Iye kali ni ndundo, mana ni zango lia kufunga hashi ni waze eswe aliho. (Samu 72:12, 16) Mu chiyulo chenyi, Wanangana wa mu malilu muukanongesa waze eswe “akwonwona hashi” ni kululieka climática hashi heswe.—Usolwelo 11:18; Izaia 35:1, 7.

Mba unyingike sango jikwo hakutwala ku kululieka cha climática, tanga “Mudanças Climáticas e o Futuro da Humanidade — O que a Bíblia Diz?”