Yombi Yahanjika ha Lamba Lize Amwene

Yombi kamwene lamba ha kufwisa asoko ni kuyiza, alioze yanunga ni ushishiko wenyi. Kashika, Satana yeseka kumuhongesa hanga eche ungunu wenyi. Kuli iye yikwiza “masepa” jenyi atatu. Chitangu, ayo yasolola kuli atu ngwe keke anamuvwila. Yaatwama nenyi matangwa shimbiali chakuhona kwamba nilimwe liji lia kumutakamisa. Mba muze aputukile kuhanjika, yamuliongela yuma yinji.

Yombi yanunga kwononokena Yehova ni muze te anamono lamba linji

6:3; 7:16; 9:20-22; 10:1, 12

• Yombi yanyonga yuma yize te kuyalitele hamukunda wa chinyengo chize apwile nacho. Yanyonga ngwenyi Zambi keshi kupala chipwe manunga ni ushishiko wenyi nyi ka

• Ha chinyengo evwile, Yombi kakanyongene ngwenyi te kuli chikuma cheka chize chalingishile hanga amone lamba

• Ni muze te anahongo, Yombi yahanjika kuli akwa-kole jenyi ha zango apwile nalio hali Yehova