Kuwahisa Uhashi Wetu wa Kwambujola—Kusoneka Mikanda Yipema

MUMU LIAKA CHILI CHILEMU: Mukanda 1 Korindu uli umwe wa 14 ya mikanda yize postolo Paulu asonekene hanga akolweze akwa-Kristu. Mukanda wakukwasa mukwa-kusoneka hanga asakule kanawa maliji, nawa mutu mahasa kuutanga ha yisuho yinji. Mikanda yili jila yipema ya kwambulwilamo sango jipema kuli asoko ni enyembo jetu. Mikanda yili nawa jila yipema ya kwambulwilamo kuli waze keshi ni mashimbu akuhanjika ni yetu. Chakutalilaho, atu amwe kakuzanga kulilongesa alioze chakupwa chikalu kwawana ku mazuwo. Akwo hanji katwama ku mazuwo kuze kuli tulayi, hanji ku yihela yikwo yahola. Yuma yika watamba kunyonga, muze unasonekena mutu yoze kuwanyingikine?

CHIZE TWATAMBA KULINGA:

• 

  Amba yize te muhasa kwamba nyi unahanjika ni mutu wacho. Muze unaputuka kusoneka mukanda lumbununa yena iya, ni mumu liaka unasoneka mukanda wacho. Muhasa kusonekaho chimwe chihula hanga mutu anyonge, ni kumusolwela site yetu. Mulweze hakutwala ku Longeso lia Mbimbiliya lia ha Internet, hanji katalilo wetu wa kulongesa Mbimbiliya ku mazuwo, ni amwe tupitulu a mikanda yize twakulongesa nayo Mbimbiliya. Muhasa kusamo nawa tumikanda ngwe, cartão wa kunjila nenyi ha site, papilo lia kusanyika nalio atu, hanji kamwe kalifwo

• Kanda usoneka yuma yinji. Mumu yuma yinji muyihasa kuhongesa mutu yoze mautanga.—Tala chikuma mukanda washi ha lifwo 8

• Uhengwole hanga uchizeho kapalia, usoneke kanawa. Sako shindakenyo ngwe maliji aliho kanatusuka kanawa, kali a zango, nawa apema. Sako shindakenyo ngwe, wawusa chijikilo.