Kanambujola hakamwihi ni Monrovia, ku Liberia

Maliji Akuhanjika No

●○○KULITAKANA CHITANGU

Chihula: Shina Mbimbiliya Yichili ni Ulemu Musono?

Chisoneko: 2Ti 3:16

Chihula chikwo: Sango jika jili mu Mbimbiliya?

○●○KUFUNA NI KUMENEKA CHITANGU

Chihula: Sango jika jili mu Mbimbiliya?

Chisoneko: Mat 6:10

Chihula chikwo: Yika Wanangana wa Zambi muukalinga?

○○●KUFUNA NI KUMENEKA KAMUCHALI

Chihula: Yika Wanangana wa Zambi muukalinga?

Chisoneko: Da 2:44

Chihula chikwo: Yika Wananagana wa Zambi muukalinga hano hashi?

Kuputuka ha kakweji yono, kukunguluka cha ha poso muchipwa ni yikuma yitatu yalisa ya maliji akwambujolo no. Mukanda Wakuzachisa ha Kukunguluka cha Mwono Wetu ni Mulimo Wetu uchi kwiza wika ni maliji akwambujola no, muwiza nawa ni chihula, chisoneko, ni chihula chikwo chize muchazulula jila yakuhiluka ni kumeneka cheka. Mapwa ni kusolola chinema chimuwika ha poso. Akwa-kwambujola mahasa kusakula ene mikanda yize mutu ni mutu mazanga kuhana mu munda, ha kulitakana chitangu hanji ha kufuna ni kumeneka. Nawa, mukanda wakuzachisa ha kukunguluka muwiza ni maliji akwambujola no waze mutuhasa kukaula. Yikuma yino yakwambujola nayo muyitukwasa kulihulikila ha mulimo wetu wa kulongesa “waze eswe Zambi hanafunjikila ku mwono wa mutolo.”—Yi 13:48.

Usongwelo kuli Alongi: chipwe ngwe alongi mahasa kululieka maliji jo akwambujola no, alioze katamba kukaula maliji akuhanjika no ali hano.