بە‌شی ٤
خودا مە‌بە‌ستە‌کانی خۆی بۆ ئێمە ڕوون دە‌کاتە‌وە
خودایە‌کی خۆشە‌ویست مە‌بە‌ستە‌کانی خۆی بۆ ئە‌و کە‌سە دڵسۆزانە ئاشکرا دە‌کات کە سۆراخی دە‌کە‌ن. وە‌ڵامی ئە‌و کە‌سانە دە‌داتە‌وە کە پرسیار دە‌کە‌ن، بۆچی خودا ڕێگای بە ئازار دا.
٢ پەرتووکی پیرۆز دە‌فە‌رموێ: «نزیك‌بنە‌وە لە خودا ئە‌ویش لێتان نزیك دە‌بێتە‌وە.» «خوداوە‌ند ئە‌و خودایە‌ی ڕۆحی بە پێغە‌مبە‌رە‌کان داوە، فریشتە‌کە‌ی خۆی نارد بۆ ئە‌وە‌ی ئە‌و شتانە پیشانی بە‌ندە‌کانی خۆی بدات کە پێویستە بە‌م زووانە ڕووبدە‌ن.» «بە‌ڵام من ناوی خۆشە‌ویستم لێنان چونکە هە‌رچییە‌کم لە باوکم بیستبوو پێم‌ڕاگە‌یاندن» (یاقوب ٤:٨؛ بینین ٢٢:٦؛ یۆحە‌ننا ١٥:١٥).
وە‌ڵامە‌کان لە کوێن؟
٣ وە‌ڵام بۆ پرسیارە‌کانی وە‌ك، بۆچی خودا ڕێگا بە ئازار دە‌دات‌و سە‌بارە‌ت بە‌مە چی دە‌کات لە‌و پە‌ڕاوە‌دا دە‌دۆزرێتە‌وە کە سروش کراوە بۆئە‌وە‌ی کە‌ڵکی لێ وە‌ربگرین. ئە‌و پە‌ڕاوە فە‌رموودە‌ی ئەوە، پەرتووکی پیرۆزە. «هە‌موو پەرتووکی پیرۆز بە‌وە‌حی لە خوداوە هاتووە سودبە‌خشە بۆ فێربوون، هە‌روە‌ها بۆ تە‌مێکردن بۆ ڕاست‌ودروستی تاوە‌کو مرۆڤی خودا ئامادە‌بێت بۆ هە‌موو کردارێکی باش» (٢ تیمۆساوس ٣:١٦، ١٧).
٤ بە‌ڕاستی پەرتووکی پیرۆز پە‌رتووکێکی بێهاوتایە. تۆمارکردنی ڕاستە‌قینە‌ترین مێژووی ئادە‌میزاد دە‌گرێتە خۆی‌و تە‌نانە‌ت مێژووە‌کە‌ی بۆ پێش دروست بوونی مرۆڤ دە‌گە‌ڕێتە‌وە. جگە لە‌وە‌ش پە‌رتووکێکی هاوچە‌رخە، چونکە پێشبینیە‌کانی پە‌یوە‌ندیان بە‌م سە‌ردە‌مە‌ی ئێمە‌و ئاییندە‌یە‌کی نزیکە‌وە هە‌یە.
٥ هیچ پە‌رتووکێکی تر خاوە‌ن بە‌ڵگە‌نامە‌ی مێژووی ئاوا ڕاست‌ودروست نییە. بۆ نموونە تە‌نها چە‌ند دە‌ستنووسێکی کە‌م هە‌ن لە پە‌رتووکە کلاسیکیە کۆنە‌کان. بە‌ڵام زۆر دە‌ستنووسی کۆنی پەرتووکی پیرۆز ماون، هە‌ندێکیان بە ناتە‌واوی‌و هە‌ندێکیان بە تە‌واوی: نزیکە‌ی ٦٠٠٠ نووسراوی عیبری لە (٣٩ نووسراوە‌کە‌ی «پە‌یمانی کۆن») و نزیکە‌ی ١٣٠٠٠ نووسراوی یۆنانی مە‌سیحی لە (٢٧ نووسراوە‌کە‌ی «پە‌یمانی نوێ»).
٦ خودای خاوە‌ن توانا، ئە‌وە‌ی کە پەرتووکی پیرۆزی سروش کردووە، چاودێری ئە‌وە‌ی کردووە ڕاستیە‌تی تێکستی ئە‌و دە‌ستنووسانە بە پارێزراوی بمێنێتە‌وە. کە‌واتە پە‌رتووکە پیرۆزە‌کانی ئە‌مڕۆمان بە شێوە‌یە‌کی بنە‌ڕە‌تی هە‌مان شتە لە‌گە‌ڵ نووسراوە ڕە‌سە‌نە سروشکراوە‌کان. هۆکارێکی تریش یارمە‌تیمان دە‌دات تاکو هە‌ست بە‌مە بکە‌ین ئە‌وە‌یە کە مێژووی نووسینی هە‌ندێك لە‌و دە‌سنووسە یۆنانیانە بۆ کە‌متر لە سە‌د ساڵ دوای نووسینی نووسراوە ڕە‌سە‌نە‌کان دە‌گە‌ڕێتە‌وە. چە‌ند کۆپیە‌کی کە‌می دە‌ستنووسی نووسە‌رە جیهانییە کۆنە‌کان تا ئێستا ماون، ئە‌وانیش بە‌دە‌گمە‌ن مێژوویان بۆ چە‌ند سە‌دە‌یە‌ك دوای نووسینی نووسراوە ڕە‌سە‌نە‌کان دە‌گە‌ڕێتە‌وە.
دیاری خودایە
٧ پەرتووکی پیرۆز لە مێژوودا بە بە‌ربڵاوترین بڵاوکراوە دادە‌نرێت، نزیکە‌ی سێ ملیار دانە‌ی لێ چاپکراوە. ژمارە‌ی هیچ پە‌رتووکێکی تر لە‌گە‌ڵ ئەم ژمارە‌یە بە‌راورد ناکرێ. پەرتووکی پیرۆز یاخود هە‌ندێك لە بە‌شە‌کانی بۆ ٢٣٥٠ زمان وە‌رگێڕاون، بە‌م جۆرە، وا مە‌زە‌ندە دە‌کرێ کە لە‌سە‌دا ٩٠ی دانیشتووانی هە‌سارە‌کە‌مان دە‌توانن پەرتووکی پیرۆزیان دە‌ستبکە‌وێت.
٨ بێگومان پە‌رتووکێك کە پێی بگوترێ لە‌لایە‌ن خوداوە‌یە‌و هە‌موو بە‌ڵگە‌یە‌کی ناوە‌کی‌و دە‌رە‌کی هە‌بێت بۆ سە‌لماندنی، شایانی لێکۆڵینە‌وە‌یە.a تیایدا مە‌بە‌ست لە ژیان، مانای بارودۆخە‌کانی جیهان‌و ئاییندە چی لە‌گە‌ڵ خۆیدا دە‌هێنێت ڕووندە‌کرێتە‌وە. هیچ پە‌رتووکێکی تر ئە‌مە‌ی پێناکرێ.
٩ بە‌ڵێ پەرتووکی پیرۆز نامە‌ی نووسراوی خودایە بۆ خێزانی مرۆڤایە‌تی. بە‌هۆی هێزی ڕۆحی کاریگە‌ریە‌وە سە‌رپە‌رشتی نووسینی پەرتووکی پیرۆزی کردووە. کە ٤٠ کە‌س کاری تۆمارکردنیان بە‌جێ گە‌یاندووە. بە‌و جۆرە خودا قسە‌مان لە‌گە‌ڵ دە‌کات لە ڕێگای ووشە‌کە‌یە‌وە، کە پەرتووکی پیرۆزە. پۆڵس‌ی نێرراو دە‌ڵێ: «شتێکی دیکە‌ش هە‌یە بە‌ردە‌وام لە پێناوی سوپاسی خودا دە‌کە‌ین، چونکە کاتێ ووشە‌ی خوداتان لە ئێمە بیست ئە‌وە‌ی پێمان ڕاگە‌یاندن، وە‌رتان گرت لێمان نە‌ك ووشە‌یە‌ك لە مرۆڤ بێت، بە‌ڵکو چۆن لە‌ڕاستی ووشە‌ی خودا بێت» (١ تە‌سالۆنیکی ٢:١٣).
١٠ ئە‌براهام لینکۆڵن، شانزە‌هە‌مین سە‌رۆکی ئە‌مە‌ریکا، پەرتووکی پیرۆزی ناونا بە «باشترین دیاری کە خودا هە‌رگیز بە مرۆڤی بە‌خشیبێت ... ئە‌گە‌ر پەرتووکی پیرۆز نە‌بوایە نە‌ماندە‌توانی چاکە‌و خراپە لە‌یە‌ك جیابکە‌ینە‌وە.» کە‌واتە ئێستا، ئەم باشترین دیاریە‌ی خودا، چیمان بۆ دە‌ردە‌خات دە‌ربارە‌ی ئە‌وە‌ی چۆن ئازار دە‌ستی پێکردو بۆچی خودا ڕێگای پێداو سە‌بارە‌ت بە‌مە چی دە‌کات؟
[ژێرنووس]
a بۆ زیاتر زانیاری وەرگرتن دە‌ربارە‌ی ڕاستیە‌تی پەرتووکی پیرۆز، بڕوانە «پەرتووکی پیرۆز ووشە‌ی مرۆڤە یان هی خودایە؟» (بە‌زمانی ئینگلیزی) لە‌لایە‌ن شاهیدانی یە‌هوە چاپ کراوە.
[پرسیارە‌کانی وانە]
١، ٢. چۆن دە‌زانین کە خودا وە‌ڵامی ئە‌وانە دە‌داتە‌وە کە بە‌دڵسۆزی پرسیاردە‌کە‌ن؟
٣. لە کوێ دە‌توانین هۆی ڕێگاپێدانی خودا بە ئازار بدۆزینە‌وە؟
٤، ٥. بۆچی پەرتووکی پیرۆز پە‌رتووکێکی بێهاوتایە؟
٦. بۆچی دە‌توانین دڵنیابین کە پەرتووکی پیرۆزی ئە‌مڕۆ لە بنە‌ڕە‌تدا هە‌مان‌شتە هە‌روە‌ك ئە‌وە‌ی کە خودا لە سە‌رە‌تاوە سروشی کرد؟
٧. پەرتووکی پیرۆز تا چ ئاستێك بە‌ربڵاوە؟
٨-١٠. هە‌ندێ لە‌و هۆکارانە چین کە بە‌هۆیانە‌وە پەرتووکی پیرۆز شایە‌نی ئە‌وە‌یە لێیبکۆڵینە‌وە؟
[وێنە‌ی لاپە‌ڕە ١٠]
پەرتووکی پیرۆز، لە‌لایە‌ن خوداوە سروش کراوە، نامە‌ی نووسراوی ئەوە بۆ خێزانی مرۆڤایە‌تی