بە‌شی ٦
بۆچی خودا ڕێگای بە ئازار دا
چ هە‌ڵە‌یە‌ك ڕوویدا؟ چ ڕوویدا کە بە‌هۆیە‌وە ئە‌و سە‌رە‌تا خۆشە‌ی کە خودا بە یە‌کە‌م ژن‌و مێردی بە‌خشی‌بوو لە بە‌هە‌شتی عە‌دە‌ندا تێکچوو؟ بۆچی، لە‌جیاتی ئاشتی‌و بە‌یە‌کە‌وە گونجان لە بە‌هە‌شتدا، خراپە‌و ئازار بۆ هە‌زاران ساڵ زاڵ بوو؟
٢ هۆیە‌کە‌ی ئە‌وە‌یە ئادە‌م و حە‌وا خواستی ئازادیان بە خراپی بە‌کارهێنا. بینینی ئە‌و ڕاستیە‌یان لە بە‌رچاوی خۆیان لادا، کە ئە‌وان بۆ ئەوە نە‌ئافراندرابوون تاکو بتوانن بە‌بێ خوداو یاساکانی، سە‌رکە‌وتن بە‌دە‌ست بهێنن. بڕیاریاندا سە‌ربە‌خۆبن لە خودا، وایانزانی ئە‌مە ژیانیان باشتر دە‌کات. بۆیە ئە‌وان لە‌و سنورە‌ی خواستی ئازادییە دە‌رچوون کە خودا داینابوو (پێکهێنان [١موسا] ئایە‌تی ٣).
کێشە‌ی دە‌سە‌ڵاتی گە‌ردونی
٣ بۆچی خودا ئادە‌م‌و حە‌وای لە‌ناو نە‌بردوو سە‌ر لە‌نوێ دوو مرۆڤی تری نە‌ئافراند؟ چونکە دە‌سە‌ڵاتی گە‌ردونی ئە‌و، یاخود مافی نە‌گۆڕاوی خودا بۆ فە‌رمانڕە‌وایە‌تی بە‌ربە‌رە‌کانی کرا.
٤ پرسیارە‌کە ئە‌وە‌بوو: کێ مافی فە‌رمانڕە‌وایە‌تی هە‌یە و فە‌رمانڕە‌وایە‌تی کێ ڕاستە؟ چونکە خودا باڵادە‌ستە و ئافە‌ریدگاری هە‌موو ئافە‌ریدە‌کانە مافی فە‌رمانڕە‌وایە‌تی کردنی بە سە‌ریاندا هە‌یە. لە‌بە‌رئە‌وە‌ی ئە‌و لە هە‌مووان هۆشمە‌ندترە، باشترین فە‌رمانڕە‌وایە‌تی بۆ هە‌موو ئافە‌ریدە‌کان فە‌رمانڕە‌وایە‌تی ئەوە. بە‌ڵام فە‌رمانڕە‌وایە‌تی خودا بە‌ربە‌رە‌کانی کرا. ئایا هیچ هە‌ڵە‌یە‌ك لە ئافە‌ریدە‌کە‌ی — مرۆڤ هە‌بوو؟ دواتر لێی‌دە‌کۆڵینە‌وە کە چۆن کێشە‌ی ڕاست‌و ڕە‌وانی مرۆڤ کاریگە‌ری لە سە‌ر ئە‌مە هە‌یە.
٥ دوای ئە‌وە‌ی مرۆڤ لە خودا سە‌ربە‌خۆ بوو، پرسیارێکی تر هاتە‌کایە‌وە: ئایا مرۆڤ باشتر دە‌بێ ئە‌گە‌ر خودا فە‌رمانڕە‌وایە‌تی نە‌کات؟ بێگومان ئافە‌ریدگار وە‌ڵامە‌کە دە‌زانێ، بە‌ڵام دڵنیاترین ڕێگا بۆ ئە‌وە‌ی مرۆڤ ئە‌مە‌ی بۆ دە‌ربکە‌وێ. ڕێگا پێدانی خودا بوو بە‌و ئازادییە تە‌واوە‌تیە‌ی کە خۆیان ویستیان. ئەم ڕێگایە‌یان بە خواستی ئازادی خۆیان هە‌ڵبژارد، بۆیە خودا ڕێگای پێدان.
٦ بە مۆڵە‌تدانی کاتی تە‌واو بە مرۆڤ بۆ تاقیکردنە‌وە‌ی ئازادی تە‌واو، خودا بۆ هە‌میشە دە‌یچە‌سپێنێ ئاخۆ مرۆڤ لە ژێر فە‌رمانڕە‌وایە‌تی خودا یان سە‌ربە‌خۆ لە خودا لە بارودۆخێکی باشدا دە‌بێت. ئە‌و ماوە مۆڵە‌ت پێدراوە دە‌بوو تە‌واو دوورو درێژ بێت تا ئە‌و کاتە‌ی کە مرۆڤ بە‌وە دە‌گات کە خۆی لە بواری سیاسی و پیشە‌سازی و زانست و تە‌ندروستیدا بە لووتکە‌ی بە‌دە‌ستهێنانی دادە‌نێت.
٧ بۆیە خودا تاکو ئە‌مڕۆ هە‌لێکی تە‌واوی بە مرۆڤ بە‌خشیوە بۆ ئە‌وە‌ی بێگومان نیشانی بدات ئاخۆ فە‌رمانڕە‌وایە‌تی مرۆڤ سە‌ربە‌خۆ لە خودا توانای بە‌دە‌ستهێنانی سە‌رکە‌وتنی دە‌بێت. بە‌م جۆرە مرۆڤ توانای هە‌ڵبژاردنی هە‌یە لە نێوان نە‌رم‌ونیانی و زە‌بروزە‌نگ، خۆشە‌ویستی‌و ڕق، ڕاست‌ودروستی و بە‌دکاری. بە‌ڵام هە‌رواش مرۆڤ ڕووبە‌ڕووی ئاکامی هە‌ڵبژاردنە‌کانی دە‌بێتە‌وە: چاکە‌و ئاشتی یان خراپە‌و ئازار.
یاخی بوونی ئافە‌ریدە ڕۆحانیە‌کان
٨ هۆکارێکی دیکە کە دە‌بێ لە بە‌رچاو بگیرێت. تە‌نها دایك‌و باوکی یە‌کە‌ممان لە‌ژێر فە‌رمانڕە‌وایە‌تی خودا دە‌رنە‌چوون. بە‌ڵام کێی تر لە‌و کاتە‌دا هە‌بوون؟ ئافە‌ریدە‌ی ڕۆحانی. پێش ئە‌وە‌ی خودا مرۆڤی ئافراند جۆرە زیندە‌وە‌رێکی باڵاتری ئافراند، ژمارە‌یە‌کی زۆر لە فریشتە، تا لە شانشینی ئاسمانیدا بژین و ئە‌وانیش ئافراندران خاوە‌ن خواستی ئازادن لە‌گە‌ڵ مل‌کە‌چ کردن بۆ فە‌رمانڕە‌وایە‌تی خودا (عیبرانیە‌کان ١:١٤؛ بینین ٥:١١؛ ٧:١١).
٩ پەرتووکی پیرۆز ڕوونی دە‌کاتە‌وە کە یاخی‌بوون سە‌رە‌تا لە شانشینی ڕۆحی دە‌ستی پێکرد. ئافە‌ریدە‌یە‌کی ڕۆحانی ویستی خواستی ئازادی تە‌واوە‌تی بە‌دە‌ست بهێنێ. هە‌روە‌ها ویستی مرۆڤ ئە‌و بپە‌رستێ (مە‌تتا ٤:٨، ٩). ئە‌و یاخی‌بووە ڕۆحانیە هۆکارێکی کاریگە‌ربوو بۆ سە‌ر ئادە‌م‌و حە‌وا لە یاخی‌بوونیان لە خودا. بە درۆ ووتی خودا شتێکی باشی لێ قە‌دە‌غە کردوون (٢ کۆرنسۆس ١١:٣). بۆیە پێی دە‌وترێ ئیبلیس (بوختانکە‌ر) شە‌یتان (دوژمن) و دواتر ئافە‌ریدە‌ی ڕۆحانی تری هە‌ڵخە‌ڵە‌تاند تا یاخی‌ببن. ئیتر ئە‌وان بە ئیبلیسە‌کان ناسران (١ کۆرنسۆس ١٠:٢٠؛ بینین ١٢:٩؛ ١٦:١٤).
١٠ مرۆڤ، بە یاخی‌بوونی لە خودا، خۆی لە ژێر کاریگە‌ری شە‌یتان‌و ئیبلیسە‌کانی بە‌دە‌ستە‌وە‌دا. لە‌بە‌ر ئەم هۆیە پەرتووکی پیرۆز شە‌یتان بە «خوداوە‌ندی ئەم جیهانە» ناودە‌بات ئە‌وە‌ی کە «بێ باوە‌ڕە‌کانی کوێر کردووە» بۆیە ووشە‌ی خودا دە‌فە‌رموێ «جیهان هە‌مووی لە ژێر دە‌ستی خراپە‌کار ‹شە‌یتان› دانراوە.» عیسا خۆی شە‌یتانی ناونا بە «سە‌رۆکی ئەم جیهانە» (٢ کۆرنسۆس٤:٤؛ ١ یۆحە‌ننا ٥:١٩؛ یۆحە‌ننا ١٢:٣١).
دوو کێشە
١١ شە‌یتان دوو کێشە‌ی تری هێنایە کایە‌وە، لە‌ڕاستیدا خودای تاوانبار کرد بە‌وە‌ی کە شێوە‌ی ئافراندنی مرۆڤ چە‌وت بوو و هیچ کە‌سێك نییە لە ژێر گوشاردا ئارە‌زووی کاری چاکە بکات. لە‌ڕاستیدا ئە‌و ووتی مرۆڤ لە‌ژێر تاقی کردنە‌وە‌دا نە‌فرە‌ت لە خودا دە‌کات (بینین ١٢:١٠). بە‌م جۆرە شە‌یتان ڕاست‌ودروستی ئافراندنی مرۆڤی خستە گومانە‌وە.
١٢ بۆیە خودا مۆڵە‌تی بە بڕی پێویست لە کات دا تاکو هە‌موو ئافە‌ریدە ژیرە‌کان ببینن چۆن ئەم کێشە‌یە‌و کێشە‌ی دە‌سە‌ڵاتی خودا چارە‌سە‌ر دە‌کرێ. (بە‌راوردی ڕۆما ٩:١٧ بکە‌ن.) لە کۆتاییدا ڕووداوە مێژووییە‌کانی مرۆڤ ڕاستی ئەم دوو کێشە‌یە ئاشکرا دە‌کە‌ن.
١٣ یە‌کە‌م، سە‌بارە‌ت بە کێشە‌ی دە‌سە‌ڵاتی گە‌ردونی دە‌بوایە کات چیمان بۆ دە‌ربخات دە‌ربارە‌ی ڕاستی‌ودروستی فە‌رمانڕە‌وایە‌تی خودا؟ ئایا مرۆڤ دە‌یتوانی لە خودا باشتر فە‌رمانڕە‌وایە‌تی خۆی بکات؟ ئایا هیچ سیستە‌مێك لە فە‌رمانڕە‌وایە‌تی مرۆڤ دوور لە خودا جیهانێکی بە‌ختە‌وە‌رو بە‌بێ جە‌نگ‌و تاوان‌و زۆرداری دە‌هێنێتە کایە‌وە؟ ئایا هیچ سیستە‌مێك دە‌توانێ هە‌ژاری نە‌هێڵێ‌و خۆش گوزە‌رانی بۆ هە‌مووان دابین بکات؟ ئایا هیچ سیستە‌مێك دە‌توانێ بە‌سە‌ر نە‌خۆشی‌و پیربوون‌و مردندا زاڵبێت؟ فە‌رمانڕە‌وایە‌تی خودا بۆ ئە‌و مە‌بە‌ستە نە‌خشە‌کێشرابوو تا هە‌موو ئەم شتانە بێنێتە‌دی (پێکهێنان [١موسا] ١:٢٦–٣١).
١٤ سە‌بارە‌ت بە کێشە‌ی دووە‌م، کات چی بۆ دە‌ردە‌خستین لە‌مە‌ڕ نرخی مرۆڤی ئافراندراو؟ ئایا خودا هە‌ڵە‌ی کرد کە مرۆڤی بە‌و جۆرە ئافراند؟ ئایا هیچ مرۆڤێك لە ژێر تاقی کردنە‌وە‌دا کاری چاکە دە‌کات؟ ئایا هیچ نە‌تە‌وە‌یە‌ك نیشانی دە‌دات کە ئە‌وان لە جیاتی فە‌رمانڕە‌وایە‌تی سە‌ربە‌خۆ فە‌رمانڕە‌وایە‌تی خودایان دە‌وێ؟
[پرسیارە‌کانی وانە]
١، ٢. چۆن دایك‌و باوکی یە‌کە‌ممان ئە‌و سە‌رە‌تایە باشە‌یان تێکدا کە خودا پێیانی بە‌خشی بوو؟
٣-٥. بۆچی خودا ئادە‌م‌و حە‌وای لە‌ناو نە‌بردوو لە سە‌رە‌تاوە دە‌ستیپێنە‌کردە‌وە؟
٦، ٧. بۆچی خودا ئە‌و هە‌موو ماوە دوور و درێژە مۆڵە‌تی ئازادی تە‌واوە‌تی بە مرۆڤ دا؟
٨، ٩. (ا) چۆن یاخی‌بوون لە شانشینی ڕۆحی دە‌ستی پێکرد؟ (ب) لە‌پاڵ ئادە‌م‌و حە‌وا شە‌یتان کاری کردە سە‌ر کامانە تاکوو یاخی‌بن؟
١٠. ئاکامی یاخی‌بوونی مرۆڤ‌و ئافە‌ریدە ڕۆحانیە‌کان چی بوو؟
١١. شە‌یتان دە‌ربارە‌ی چ کێشە‌یە‌کی تر بە‌ربە‌رە‌کانی خودای کرد؟
١٢-١٤. کات چ ڕاستیە‌ك دە‌ردە‌خات سە‌بارە‌ت بە‌و دوو کێشە‌یە‌ی کە شە‌یتان سە‌ریپێهە‌ڵدان؟
[وێنە‌ی لاپە‌ڕە ١٣]
خودا مۆڵە‌تی دا بە مرۆڤ تا بە لووتکە‌ی داهێنانە‌کانی بگا
[بە‌رپرسان]
Shuttle: Based on NASA photo