وانە‌ی ١٦
عیسا لە‌سە‌ر زە‌وی چی کرد؟
زۆر کە‌س بە شێوە‌ی جیاواز دە‌ربارە‌ی عیسا بیر دە‌کە‌نە‌وە، وە‌ک منداڵێک، پێغە‌مبە‌رێکی دانا، یان کە‌سێک کە ئە‌شکە‌نجە دراوە و مردووە. بە‌ڵام بە لێکۆڵینە‌وە‌ی ژیانی عیسا لە‌سە‌ر زە‌وی، دە‌توانین زیاتر دە‌ربارە‌ی ئە‌و فێربین. لە‌م وانە‌یە‌دا، ئێمە هە‌ندێک لە کارە گرنگە‌کانی عیسا دە‌بینین و دە‌زانین چۆن کاریگە‌رییان لە‌سە‌ر ژیانمان هە‌یە.
١. کاری سە‌رە‌کی عیسا چی بوو؟
ئە‌رکی سە‌رە‌کی عیسا ئەوە بوو کە «مزگێنی پاشایە‌تی خودا بدات.» (لۆقا ٤:٤٣ بخوێنە‌وە.) ئە‌و هە‌ۆاڵە خۆشە ئە‌وە‌یە کە خودا بە دامە‌زراندنی شانشینە‌کە‌ی هە‌موو کێشە‌کانی مرۆڤ چارە‌سە‌ر دە‌کات.a عیسا بۆ ماوە‌ی سێ ساڵ و نیو کاری زۆری کرد بۆ ئە‌وە‌ی ئەم هە‌واڵە خۆشە لە هە‌موو شوێنێک ڕابگە‌یە‌نێت.—مە‌تا ٩:٣٥.
٢. موعجیزە‌کانی عیسا چی نیشان دە‌دە‌ن؟
پەرتووکی پیرۆز ئاماژە بە چە‌ندین «پە‌رجوو و نیشانە دە‌کات کە خودا لە ڕێگە‌ی عیساوە ئە‌نجامی داوە.» (کردار ٢:٢٢) بۆ نموونە، عیسا بە‌و هێزە کە خودا پێیدابوو بە هە‌زاران کە‌س خۆراکی دا، نە‌خۆشە‌کانی چاککردە‌وە، کە‌شوهە‌وای کۆنترۆڵ کرد و تە‌نانە‌ت مردووشی زیندوو کردە‌وە. (مە‌تا ٨:٢٣-٢٧؛ ١٤:١٥-٢١؛ مە‌رقۆس ٦:٥٦؛ لۆقا ٧:١١-١٧) موعجیزە‌کانی عیسا دە‌یسە‌لمێنن کە خودا ئە‌وی ناردووە. هە‌روە‌ها ئەوە نیشان دە‌دات کە یە‌هوە توانای چارە‌سە‌رکردنی هە‌موو کێشە‌کانمانی هە‌یە.
٣. لە شێوازی ژیانی عیساوە چی فێر دە‌بین؟
عیسا لە هە‌ر بارودۆخێکدا گوێڕایە‌ڵی یە‌هوە خودا بوو. (یۆحە‌نا ٨:٢٩ بخوێنە‌وە.) سە‌رە‌ڕای دژایە‌تییە‌کان، عیسا تا مردن بۆ یە‌هوە دڵسۆز مایە‌وە و هە‌موو ئە‌و داواکاریانە‌ی ئە‌نجامدا کە خودا لێی دە‌ویست. ئە‌و بە‌م شێوە‌یە نیشانیدا کە مرۆڤە‌کان دە‌توانن بە وە‌فاداریە‌وە خزمە‌تی خودا بکە‌ن تە‌نانە‌ت لە بارودۆخی سە‌ختیشدا. بۆیە عیسا «نموونە‌یە‌کی بۆ ئێمە بە‌جێهێشت، تاکو بە هە‌نگاوە‌کانیدا بڕۆین.»—١ پە‌ترۆس ٢:٢١.
زیاتر بزانە
لە‌م وانە‌یە‌دا دە‌بینین کە چۆن عیسا هە‌واڵی خۆشی پاشایە‌تی خودای ڕاگە‌یاند و مە‌عجیزە‌ی ئە‌نجامدا.
٤. عیسا هە‌واڵی خۆشی پاشایە‌تی خودای لە‌گە‌ڵ کە‌سانیتردا بڵاو کردە‌وە
عیسا سە‌دان کیلۆمە‌تر لە‌سە‌ر ڕێگا تۆزاویە‌کاندا ڕۆیشت بۆ ئە‌وە‌ی مزگێنی پاشایە‌تی خودا بۆ خە‌ڵک بگە‌یە‌نێت. لۆقا ٨:١ بخوێنە‌وە و دواتر لێکۆڵینە‌وە‌ی ئە‌و پرسیارانە‌ی خوارە‌وە بکە‌ن:
ئایا عیسا تە‌نها بە‌و کە‌سانە کە بۆ لای چوون و گوێان لە پە‌یامە‌کە‌ی دە‌گرت مزگێنی دە‌دا؟
عیسا بۆ ئە‌وە‌ی بتوانێت بە هە‌مووان مزگێنی بدات، چی کرد؟
خودا پێشبینی کردبوو کە مە‌سیحی بە‌ڵێندراو هە‌واڵێکی خۆش بڵاو دە‌کاتە‌وە. ئیشایا ٦١:١، ٢ بخوێنە‌وە و دواتر لێکۆڵینە‌وە‌ی ئە‌و پرسیارانە‌ی خوارە‌وە بکە‌ن:
عیسا چۆن ئەم پێشبینییە ی بە‌دیهێنا؟
ئایا پێتانوایە ئە‌مڕۆش خە‌ڵک پێویستیان بە بیستنی ئەم هە‌واڵە خۆشە هە‌یە؟
٥. فێرکاریە‌کانی عیسا بە‌نرخ و بە‌سوود بوون
عیسا جگە لە مزگێنیدانی پاشایە‌تی خودا، بە خە‌ڵکی فێرکاری دە‌دا کە بۆیان بە‌نرخ و بە‌سوود بوو. چە‌ند نموونە‌یە‌ک لە وتارە بە‌ناوبانگە‌کە‌ی لە مە‌تا ٦:١٤، ٣٤ و ٧:١٢ بخوێنە‌وە و دواتر لێکۆڵینە‌وە‌ی ئە‌و پرسیارانە‌ی خوارە‌وە بکە‌ن:
عیسا چ ئامۆژگارییە‌کی کرداری و بە‌سوودی داوە لە‌م ئایە‌تانە‌دا؟
پێتوایە ئەم ئامۆژگارییانە هێشتا بە‌سوودن؟
٦. موعجیزە‌کانی عیسا
یە‌هوە هێزی بە‌خشی بە عیسا کە چە‌ندین موعجیزە ئە‌نجام بدات. بۆ نموونە، مە‌رقۆس ٥:٢٥-٣٤ بخوێنە‌وە یان ڤیدیۆکە بکە‌وە. دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن.
ئە‌و ژنە نە‌خۆشە کە لە ڤیدیۆکە‌دا بینیتان لە چی دڵنیا بوو؟
ئایا موعجیزە‌کە سە‌رسامت ناکات؟ بۆچی بە‌و شێوە‌یە هە‌ست دە‌کە‌یت؟
یۆحە‌نا ٥:٣٦ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
موعجیزە‌کانی عیسا چی دە‌ربارە‌ی ئە‌و ئاشکرا دە‌کە‌ن؟
ئایا دە‌زانی
زۆربە‌ی ئە‌و زانیارییانە‌ی دە‌ربارە‌ی عیسا هە‌مانە و لە چوار ئینجیلە‌کە‌وە هاتووە کە لە پەرتووکی پیرۆزدا هە‌یە: مە‌تا، مە‌رقۆس، لۆقا و یۆحە‌نا. هە‌ریە‌ک لە‌م نووسە‌رانە وردە‌کاری جیاوازیان دە‌ربارە‌ی عیسا لە نووسینە‌کانیاندا باس کردووە، کە هە‌موویان لە هاوئاهە‌نگیدان. ئەم چوار ئینجیلە بە ڕوونی ژیانی عیسا نیشان دە‌دە‌ن.
ئینجیلی مە‌تا
مە‌تا کتێبی خۆی پێش سێ کەسی تر نووسی. ئینجیلی مە‌تا لە بنە‌ڕە‌تدا کۆکراوە‌یە‌کە لە فێرکردنە‌کانی عیسا، بە‌تایبە‌تی فێرکردنی عیسا دە‌ربارە‌ی پاشایە‌تی خودا.
ئینجیلی مە‌رقۆس
مە‌رقۆس کورتترین ئینجیلی نووسیوە و لە نووسینە‌کانیدا ڕووداوە‌کانی یە‌ک بە‌دوای یە‌ک بە شێوە‌یە‌کی سە‌رنجڕاکێش دە‌گێڕێتە‌وە.
ئینجیلی لۆقا
لۆقا نیشانمان دە‌دات کە دوعا کردن بۆ عیسا چە‌ندە گرنگ بوو و چۆن عیسا بە میهرە‌بانی و بە‌زە‌ییە‌وە هە‌ڵسوکە‌تی لە‌گە‌ڵ ژنان دە‌کرد.
ئینجیلی یۆحە‌نا
یۆحە‌نا بە ئاماژە‌کردن لە گفتوگۆ خۆشە‌ویستییە‌کانی عیسا، لایە‌نە جیاوازە‌کانی کە‌سایە‌تی عیسامان بۆ ڕوون دە‌کاتە‌وە.
هە‌ندێک کە‌س دە‌ڵێن: «عیسا تە‌نیا پیاوێکی باش بوو، نە زیاتر.»
ڕای تۆ چییە؟
لە کۆتاییدا
عیسا دە‌ربارە‌ی پاشایە‌تی خودا مزگێنی دە‌دا، موعجیزە‌ی ئە‌نجام دە‌دا و لە هە‌موو بارودۆخێکدا گوێڕایە‌ڵی یە‌هوە بوو.
پێداچوونە‌وە
کاتێک عیسا لە‌سە‌ر زە‌وی بوو، ئە‌رکی سە‌رە‌کی چی بوو؟
موعجیزە‌کانی عیسا چی سە‌لماند؟
عیسا چ فێرکاریە‌کی کرداری و بە‌سوودی فێری خە‌ڵکی کرد؟
لێکۆڵینە‌وە‌ی زیاتر
عیسا زیاتر لە هە‌موو بابە‌تە‌کانیتر باسی چ بابە‌تێکی کردووە؟
چۆن بزانین موعجیزە‌کانی عیسا ڕاستە‌قینە بوون؟
لە‌م بابە‌تە‌دا دە‌بینن کە چۆن خۆشە‌ویستی و قوربانیدانی عیسا کاریگە‌ری لە‌سە‌ر ئێمە هە‌یە.
لە‌م کتێبە‌دا، ڕووداوە سە‌رە‌کییە‌کانی ژیانی عیسا بە شێوە‌یە‌کی کاتی تە‌رتیب کراوە.
a لە وانە‌کانی ٣١-٣٣ زانیاری زیاتر دە‌ربارە‌ی پاشایە‌تی خودا هاتووە.