بە‌ش ٧
عیسای مە‌سیح کێ بوو؟
یە‌هوە عیسای بۆ سە‌ر زە‌وی نارد (١ یۆحە‌ننا ٤:٩).
ئە‌گە‌ر بمانە‌وێ ڕە‌زامە‌ندی خودا بە‌دە‌ست بهێنین، دە‌بێ گوێڕایە‌ڵی کە‌سێکی گرنگی تر بین. یە‌هوە زۆر بە‌ر لە‌وە‌ی ئادە‌م بئافرێنێ، کە‌سێکی ڕۆحانی پایە‌بە‌رزی لە ئاسماندا ئافراندبوو.
لە‌سە‌ردە‌مێکدا یە‌هوە ئە‌و کە‌سە‌ی نارد تا لە بە‌یت‌لە‌حم لە ڕێگای کچێکە‌وە کە ناوی مریە‌م بوو لە‌دایك ببێت. ئە‌و منداڵە ناوی نرا عیسا (یۆحە‌ننا ٦:٣٨).
کاتێك ئە‌و وە‌ك مرۆڤ لە‌سە‌ر زە‌وی دە‌ژیا، تایبە‌تمە‌ندییە‌کانی خودای بە‌تە‌واوی لە‌خۆیدا دە‌رخست. ئە‌و کە‌سێکی دڵنە‌رم‌و لە‌بە‌ردڵان بوو و بۆ خە‌ڵکی ئاسان بوو لێی نزیك ببنە‌وە. ئازایانە ڕاستی سە‌بارە‌ت بە خودای فێری خە‌ڵکی دە‌کرد.
عیسای مە‌سیح هە‌میشە کاری چاکی دە‌کرد کە‌چی ڕقیان لێ دە‌بووە‌وە (١ پە‌ترۆس ٢:٢١-٢٤).
عیسای مە‌سیح نە‌خۆشی چاك دە‌کردە‌وە‌و مردووشی زیندوو دە‌کردە‌وە.
پێشە‌وایانی ئایینی ڕقیان لە عیسای مە‌سیح دە‌بووە‌وە چونکە ئە‌و فێرکردنە چە‌وتە‌کان و هە‌ڵسوکە‌وتی خراپیانی ئاشکرا دە‌کرد.
پێشە‌وایانی ئایینی دە‌سە‌ڵاتدارانی رۆمانییە‌کانیان ڕازیکرد تا بیدە‌نە بە‌ر قامچی‌و بیکوژن.