Jeowaba Elías aiɗasii ichi nomaabiimaaba

Jezabel ãrĩã kĩruɗa baɗa profetarã Baalɗebena ãrĩã kenasiɗauɗeeba. Maabae ẽbẽra bʉeɗa baɗa Eliasmaa jarabiyua: “Nu bichi biuyua, ara jari profeta Baalɗe biusiɗau kĩra”. Mauɗeeba Elías ãrĩã peraɗa basia maabae iujãa põesãaɗaa miru wãɗa basia. Mama aria Jeowamaa ʉtaa wiɗisia: “Mʉ jãabaera ãwatawẽa. Mʉ bari biu kʉ̃ria ɓuma”. Elías ãrĩã ãkaa ɓuuɗeeba bakuru ekare kãi noɓeeɗa basia.

Maabae angelba Elías ʉ̃rʉmatapeɗa maabea naka bikãa jarasia: “Piradrupeɗa chiko kos”. Eliasba pan pʉrrʉa ɓuu mo wãsia kuɓuu ʉ̃rʉ unusii mauɗe ʉɗe bania nuɓuu. Pan kopeɗa bania dopeɗa, waya kãi noɓeeɗa basia. Angelba waya ʉ̃rʉmatapeɗa naka jarasia: “Kose. Chaarea nibayu nesita ɓua wãi baita”. Mauɗeeba Elías maucha koɗa basia. Ichi 40 día ãyadaa ẽsabuɗe biɗa wãɗa baɗa chi mode Horebɗaa neeburuuɗaa. Mama iujãa choɓea nuɓuuɗe kãi noɓooɗe wãɗa basia. Maabae Jeowaba jaraɗaa: “¿Elías bichi nama kãare ase ɓuma?”. Mauɗe Eliasba panauɗa: “Chi israelitarãba aseɗai apeɗaaɗa aseɗaabasii. Chi mokara ãbua pe kuɓuɗapeɗa mau ʉ̃rʉ ãnimara bichimaa baa deaɗai kuɓupeɗaaɗa, mau joma teratasiɗaa maabae bichi profetarã baɗa kenatasiɗaa. Mʉ siɗa bea kʉ̃ria panua”.

Jeowaba Eliasmaa naka asia: “Chi modeɗaa aka noɓooɗe wãba”. Maabae ãrĩã pũa koɓeepeɗa, iujãa mechibena uri koɓeepeɗa, maabae mechibena aoko koɓeeɗa basia. Eliasba bikãa beɗeaburuu ũrisia. Maabae ichi kĩadarr paruba tapapeɗa mauɗe choɓea nuɓuu awara aka noɓeesia. Jeowaba wiɗisia sakãera miruɗa basma apeɗa. Mauɗe Eliasba panauɗa basia: “Profetarãɗebena mʉ́turu ɓeesia”. Jeowaba naka asia: “Du aɓa ɓuuwãema. Israelɗe abiɗa 7.000 ẽbẽra duanua mʉ́turu kʉ̃ria duanuu. Eliseomaa jaraɗe wãba bichi kaaɗe ichíturu profeta bayu”. Ara mauɗe Elías aseɗe wãsia Jeowaba jaraɗa baɗa. ¿Bichia ijãa ɓuẽ bichia ũri niibʉrã Jeowaba bichi siɗa aiɗayu? Mara makabʉ. Ochiaɗaika kãare pasasii akawa kue chewẽa koɓoosiiɗe.