Sección 11 ʉ̃rʉbena

Nau seccionɗe, lea erdaubudau Griego Beɗeaɗe Cristo ʉ̃rʉbena ɓʉ ɓeeɗe nebʉrʉ koɓee. Kawaɗayua Jesús akõrerã puuruɗe nibabachiɗau mauɗe chi nejarra ɓiɗĩika ira panasii, Jesús ichi akõre ome traja nibabachii. Ichi bakuru waukabarii nibaɗa. Jesusburu ẽbẽrarã karebakuaɗa baɗa. Jeowaba ichidu jʉrʉ adausii Rey Gobierno ʉtʉ bajãaɗebena bayua. Bichi warrarã bara niibʉrã, kawabiaba Jeowaba biʼia jʉrʉ adauɗa baɗa Jesús akõrerã ãchia ichi biʼia waribii baita. Ãchimaa jaradeaba Herodesba Jesús bea kʉ̃riasiiɗe, Jeowaba karebaɗa baɗa. Jeowaba asei kʉ̃risia koɓooɗa aɓau biɗa maka aserã́baɗa aabai ɓuu. Ãchimaa kawabiaba Jeowaba Juandu jʉrʉ adauɗa baɗa Jesús neei naeɗe ichi ʉ̃rʉbena ẽbẽrarãmaa kawabiaɗa baɗa. Mauɗe kawabichãu Jesús ɗĩika kiruuɗeeɗa, Jeowa ʉ̃rʉbena kawa nibai ãrĩã kʉ̃ria nibabachii, ichia kʉ̃risia ɓuudu asei baɗaɗe, bari Dachi Akõreba jaraburuudu ase nibabachii.