Hlathlai Awk Ruahnak Cheunak Hna

Zeidah Na Hlathlai Hmasa Awk A Si?

Kan dihlak in pumpak hlathlainak caah rikhiahmi caan kan ngei. Mah kha a ṭha bik in zeitindah kan hman khawh? Pakhatnak, a caan pe. A rannak in a kong tampi rel nakin a kong tlawmtete in ṭha tein na hlathlai ahcun ṭhathnemnak tam deuh na hmu lai.

Cun na hlathlat hmasa dingmi a kong cheukhat kha i thim. (Efe. 5:15, 16) Mah ruahnak cheuhnak hna hi bawmtu an si kho:

• Baibal kha nifatin rel. (Salm 1:2) Zarh fatin zarhlai pumhnak caah Baibal relnak program ning in Baibal relnak thawk cu bawmtu a si kho men.

• Cawn AwkVennak Innsang le zarhlai pumhnak caah i timhtuah. A phi pek awkah timhcia tein um.—Salm 22:22.

• Cun mipi sin pekmi mekazin, video le jw.org ah taarmi cauk ti bantuk a dang thlaraulei rawl hna kha zoh awk le rel awkah i zuam.

• Hngalh na duhmi kong kha hlathlai. Na tonmi zuamcawhnak, biahalnak asiloah hngalh na duh deuhmi Baibal kong pakhat kha na hlathlai khawh. Cutin tuah khawh awkah jw.org ah taarmi, “Baibal Hlathlainak Ah Tuah Dingmi” timi zawn kha hmet.