Mah Cauk Hi Zeidah A Lawh?

Mi pek kan timhmi cauk he aa tlaiin cutin biahalnak tuah cu a ṭha. Cauk a ker, a zawng a kawh, a thur le a tleh ahcun kan bupi thang a chia kho i inn-ngeitu kha cauk chung i a ummi khamhnak kong thawngṭha hmu lo in a umter khawh.

Cauk pawl cu zeitindah thiangte le ningcang tein chiah khawh a si? Phungchim vahnak zal ah a phun aa khatmi cauk pawl hmunkhat tete ah chiah a ṭhat kha unau tampi nih an hmuh. Tahchunhnak ah, cheukhat nih an zal asiloah an bag ah cauk pawl hmunkhat, mekazin le brochure pawl hmunkhat le cazual kha hmunkhat ah an chiah. An Baibal le an cauk pawl an hman hnu ah a rawh nakhnga lo zal chung ah ralring tein an sanh ṭhan. Thawngthanhtu cheukhat nih cun an cauk kha file asiloah plastic bag ah an sanh. Zei bantuk chung i kan sanh hmanh ah, a biapi bik cu a thurmi cauk mi pekṭhenh lo kha a si. Cuti kan tuah ahcun kan phungchimnak kha mi nih an soi kho lai lo.—2 Kor. 6:3.