Cazual Hmangin Biaruahnak Thawk Ning

2018, January thawkin Nunning le Rianṭuannak Tuahchunhnak Cauk a phaw ah biaruah ning aa tel. Inn-ngeitu pawl kha cauk pek sawhsawh lawng si loin biaruah awkah lungthin pek dingin forh kan si. Cucaah thawngthanhtu pawl nih aa tlak ningin mi an naih khawh hna nakhnga biaruah ning video nih Baibal lawng hmangin biaruahnak thawk khawh ning kha a langhter. Asinain mah cu innkhat hnu innkhat phungchim tikah cauk kan hman awk a si lo tinak a si maw? A si hrimhrim lo! Tahchunhnak ah, cazual nih hmualngei tein biaruahnak thawk awkah a kan bawmh khawh. Zei bantuk cazual kan hman hmanhah a tanglei chim ningcang hi kan hman khawh:

1. A thawknak i thim ding biahalnak kha hal.

2. Cahmai pahnihnak i a cung bik ah a ummi Baibal caang(hna) i Baibal a phi kha hmuhsak. A caan a um ahcun cazual chungah a ummi a konglam cheukhat kha rel law i ruah u.

3. Inn-ngeitu kha cazual pe law a taangmi a konglam hna kha rel awkah thape.

4. Na chuah hlanah “Mah Hi Ruathmanh” timi biahalnak kha hmuhsak law a hnuah Baibal in i ruahṭi ṭhan awkah timtuah.

Na va len ṭhan tikah mah a phi kha i ruah u law a hnu len ṭhan khawh awkah a dang biahalnak chiahtak. Kan website chungin asiloah a hnulei cahmai nih a cherhchanmi cauk chungin biahalnak pakhatkhat kha na thim khawh. Aa tlak tik caan ah Pathian Sinin A Rami Thawngṭha! asiloah Cawnpiaknak Hriamnam chungin a dang hlathlainak cauk pakhatkhat kha hngalhternak tuah.