Naa Timtuah Maw?

Na umnak hmun ah leiser ral a tlun tik caah naa timtuah cang maw? Lihnin, hurricane thlichia, ramlak meikanghnak le tilian hna cu ruahlopi in an chuak kho i rawhnak tampi a um kho. Cun zaang-ennak, dohdalhnak le chawnh khawhmi zawtnak hna cu ralrin peknak um loin khoika hmun paohin a chuak kho. (Pct. 9:11) Cu bantuk thil hna cu kan umnak hmun ah zeitikhmanh ah a um lai lo tiah kan ruah awk a si lo.

Leiser ral caah kan dihlak in a hlankan in kan i timhtuah chung awk a si. (Ptb. 22:3) Jehovah bupi nih leiser ral ton tikah bawmhnak tampi a pek ko hna nain pakhat cio zong nih timhtuah awkah rian kan ngei rih.—Gal. 6:5.

LEISER RAL CAAH NAA TIMTUAH MAW? TIMI VIDEO KHA ZOH LAW MAH BIAHALNAK HNA HI PHI:

• 

  Jehovah he pehtlaihnak ṭha ngeihnak nih leiser ral ton tikah zeitindah a kan bawmh khawh?

• 

  Zeicah mah hna hi a biapit?

  • • Leiser ral a tlun hlan, a tlun lio le mah hnuah Khrihfa upa he pehtlaihnak ngeih peng

  • • A herhmi thilri pawl timhtuah—g17.5 6 [BU]

  • • A tlung khomi leiser ral hna kha hlathlai in pakhat cio caah tuah dingmi kong i ruah

• 

  Leiser ral a tongmi hna kha zei bantuk lam pathum in dah kan bawmh khawh hna?