CAWN DINGMI 5
Hmaan Tein Relnak
1 Timote 4:13
A TAWINAK: Aa ṭialmi kong kha hmaan tein awchuah in rel.
TUAH KHAWH NING:
Ṭha tein i tim. Mah catlangbu hi zeicah an ṭial ti kha ruat. Biafang pakhat cio kha si loin biafang rual ningin rel chunh. Biafang bet chap, lanhtak asiloah biafang airawlh in rel ti bantuk a si nakhnga lo i ralring. Comma, full stop ti bantuk hmelchunhnak hna kha ṭha tein zoh.
Biafang kip kha a hmaanmi awchuah in rel. Biafang pakhat awchuah ning kha na hngalh lo ahcun dictionary ah zoh. Awkhumhmi kha ngai. Cun carel a thiammi sinah bawmhnak hal.
Fiang tein chim. Na lu cawi, na kaa kha kaupi in aang law fiang tein rel. Biafang pakhat cio kha fiang tein awchuah in rel khawh awkah i zuam.