Jehovah Cu Kan Dornak

1. Jehovah cu kan dornak,

Kan bochanmi Pathian.

A thladem cu kan himnak,

Kan um zungzalnak ding.

Zumhfekmi a kilven hna lai,

Bochan khawh a si ti kan hngalh.

Jehovah cu ralhau fek,

Zumhawktlakmi, a dingmi si.

2. Thong tampi kan pawngte ah,

Tlu ko hna hmanh sehlaw,

Zumhawktlakmi, toidormi

Hlawt an si bal lai lo.

Ṭih le ther phan a hau lai lo;

Hrawhnak na ton lai lo caah.

Pathian thla tang kan um ca’h,

Amah nih a kan huhphenh lai.

3. Pathian nih a kan huhphenh,

Kan lam cung rap hna in.

Ṭihnak le thinphan ruangah

Lungawṭawm in um hlah.

Chun ah kahmi thal bantukin;

Zan muihnak zong ṭih a hau lo.

Jehovah cu kan dornak,

Kan kalnak kip a kan zohkhenh.