Serà chì i Testimoni di Ghjehova sò una setta ?
Innò. Simu cristiani è femu di u nostru megliu per seguità l’esèmpiu è l’insignamenti di Ghjesù Cristu.
Chì ghjè una setta ?
A parolla « setta » ùn vole micca dì listess’affare per tuttu u mondu. Stemu à vede dui parè cunnisciuti nant’à e sette è videmu perchè ùn ponu currispunde à i Testimoni di Ghjehova.
Per certi, una setta, ghjè un gruppu religiosu novu o chì s’hè staccatu d’una religione maiò. I Testimoni di Ghjehova ùn anu micca inventatu una nova religione. U nostru cultu seguita piuttostu u mudellu messu in piazza da i cristiani di u sèculu unu chì l’insignamenti è l’esèmpiu sò scritti ind’a Bìbbia (2 Timuteu 3:16, 17). Pensemu chì per ciò chì tocca a religione, sò e Sante Scritture chì duverìanu sempre fà auturità.
Per certi, una setta, ghjè un gruppu religiosu chì ci vole à malfidassi è chì hà per capu un omu. Pè i Testimoni di Ghjehova, nisun’omu pò esse u so capu, perchè simu d’accunsentu cù ssu princìpiu datu da Ghjesù à i so discìpuli : « Unu solu hè u vostru capu, ghjè u Cristu » (Matteu 23:10, Segond 21).
Invece d’esse una setta chì ci vole à malfidassi, i Testimoni di Ghjehova pratichèghjanu piuttostu una religione chì face prò à elli stessi è à a sucietà. Per esèmpiu, a nostra attività d’evangelizazione aiuta parechji à cappià vezzi, cume drugassi o beie senza misura. In u mondu sanu, demu corsi per amparà à leghje è à scrive à milàie di ghjente. Eppò, quandu accàdenu catastrofe, ci demu di rimenu per vene in aiutu cù òpere di succòrsu. Femu pròpiu tuttu à u tornacontu di u nostru pròssimu, cum’è Ghjesù l’hà dumandatu à i so discìpuli (Matteu 5:13-16).