Una persona pò decide d’ùn esse più Testimone di Ghjehova ?

Ié. Una persona pò decide d’ùn esse più Testimone di Ghjehova di duie manere sferente :

• Per mezu d’una dumanda ufficiale. Di bocca o scrittu, una persona pò fà sapè a so decisione d’ùn esse più Testimone di Ghjehova.

• Pè u so modu di campà. Una persona pò mettesi à avè un modu di campà chì a stacca di a cummunità di i fratelli (1 Petru 5:9). Per esèmpiu, s’aghjunghje à un’antru gruppu religiosu è face cunnosce a so vòglia di fanne parte (1 Ghjuvanni 2:19).

È si una persona ùn evangeliseghja più o ùn vene più à l’uffìzii religiosi ? Per voi, vole dì ch’ella hà decisu d’andassine di a vostra religione ?

Innò. Decide d’andassine o di ritirassi di a nostra religione ùn hè micca listessa cosa chì d’avè una fede dèbule. Spessu, quelli chì, sti pochi tempi, pratichèghjanu ognitantu u cultu o cèssanu di praticallu, ùn rinèganu micca per quessa a so fede. Sò piuttostu scuragiti. Invece di righjittalli, l’aiutemu è i ricunfurtemu (1 Tessaluninchi 5:14 ; Ghjude 22). Sè una persona u dumanda, l’anziani di l’accultina (ministri di u cultu) ponu dalli un sustegnu spirituale (Galatesi 6:1 ; 1 Petru 5:1-3).

Orbè, l’anziani ùn anu micca auturità per mette a pressione à qualchissìa per ch’ellu stìa Testimone di Ghjehova. Per ciò chì tocca a religione, ognunu face a so scelta (Ghjosuè 24:15). Pensemu chì quelli chì adòranu à Diu dèvenu falla vulinteri, di tuttu u so core (Salmu 110:3 ; Matteu 22:37).