Perchè i Testimoni di Ghjehova ùn si ghjòvanu micca di a croce indè u so cultu ?

Per parechji, u sìmbulu di u cristianismu ghjè a croce. Simu cristiani, ma ùn ci ghjuvemu micca di a croce indè u nostru cultu. Perchè ?

Prima, perchè d’appressu à a Bìbbia, Ghjesù ùn hè micca mortu nant’à una croce, ma nant’à un palaccone. Eppò in più, a Bìbbia dà à i cristiani st’òrdine chjaru : « Fughjite l’idulatria. » Vole dì chì di a croce ind’u so cultu ùn dèvenu micca ghjuvassine (1 Curintini 10:14 ; 1 Ghjuvanni 5:21).

Avà fate casu à ciò chì Ghjesù hà dettu : « Ghjè à quessa chì tutti saperanu chè vo site i mo discìpuli : sè vo avete l’amore l’uni per l’altri » (Ghjuvanni 13:34, 35). Quì, Ghjesù mustrava chì a stampa di i so veri discìpuli serebbe l’amore sin’à u sacrifìziu di sè, è micca a croce o un altru oghjettu di venerazione.