¿Jataní rɨʼ tíaiʼta ɨ chanaka japua?

JEIʼTƗ TYIRAXA Ɨ BIBLIA

“Nain japuaʼ ɨ chueʼ aɨpú tíaiʼtaʼ ɨ tɨ jaiʼpuaʼ tiʼtebi.”(1 Juan 5:19, Nueva Versión Internacional.)

“Aɨpuí jɨn yaraá ɨ Dioʼ yauʼra tɨi tiutepuaʼte ɨ tiyaru tɨti muarɨe.” (1 Juan 3:8, Torres Amat.)

¿JEINÉ TYITABAƗRE TEʼ RAMUARE?

Teyoitɨeʼ tu tájun jautɨ tejeʼne tɨ jeiʼpua tirɨkɨ (Revelación [Apocalipsis] 12:12).

Turityiʼ rachaɨ ɨ tɨ jamitɨere teʼti raʼchuebe ɨ chueʼ tɨʼrɨ wuaruriʼwua  (1 Juan 2:17).

¿NIRƗRIʼ TEʼ RANTSAWUATYEN Ɨ BIBLIA?

Jee, wueikaka tu seiʼran:

• Ɨ tiyaru tɨ tíaiʼta jauche wuatyepuari. Ɨ Jeobá ayepuʼ ari tirataxaʼtakaʼ tɨ ari wuatyepuari ɨ tiyaru tɨ tiwuaiʼte ɨ tyaɨte. Aɨna purí ayen tyitaixate tɨ “ratepuaʼtesin ɨ tiyaru” jaʼta tyuʼraxɨʼtesin tɨ jeiʼpua tyuru (Hebreos 2:14, Traducción del Nuevo Mundo).

• Aɨna ɨ Jesukristo, ɨ Dioʼ pu rantyiwuo tɨji tíaiʼta. Ɨ Jesús kapú ayen jeiʼpua tyityebiʼ tɨʼ iji tɨ tíaiʼta. Dioʼ puʼ ari ayen tirataxaʼtaka tɨ títebeka ɨ Kristo: ‘Wuankubaxɨʼ ɨ meʼ raʼpuaitsi ɨ meʼ kai titɨ tichaɨʼ jaʼta ɨ meʼ wuatsaɨʼramua aɨmeʼ puʼ wuatabaɨresinʼ (Salmo 72:13, 14).

• Ɨ Dioʼ kapú janaʼ ratarɨriste tɨ muakuanamuan. Ɨ Biblia jetse puʼ raxa “tɨ kai rɨri tɨ Dioʼ tiwuaita” (Hebreos 6:18). Ayepu jiʼ tɨpua ɨ Jeobá titɨ wuataxa teʼmuaree tikuʼ tɨn ayepu tyajaureʼnesin (Isaías 55:10, 11). Aɨpú jarí ayen tirataxaʼtaka tɨn “iji tɨ tíaiʼta ɨ chanaka japua purí ratamuaritesin” (Juan 12:31).