¿Tyitanyí pɨrɨkɨ ɨ Dioʼ tɨ tíaiʼta?

JEIʼTƗ TYIRAXA Ɨ BIBLIA

“Ɨ Dioʼ tajapuaʼ tɨ jéche aɨpuʼ seiʼ ayanna wuatechaʼtsa tɨ tíaita jame tɨ kaiche jana wuatepuari.”(Daniel 2:44, Traducción del Nuevo Mundo.)

“Ɨ Dioʼ ruyauʼ puʼ mujautaiteka aɨpuiʼ titaaíʼte jame.”(Isaías 9:6.)

¿JEINÉ TYITABAƗRE TEʼ RAMUARE?

• Ɨ tɨ tiutaaíʼta aɨpu pɨrɨkɨ tɨ tatabaɨresin seiʼ jaʼta seiʼ (Isaías 48:17, 18).

• Purí tɨn rɨ raruren ɨ chanaka teʼ naa taxɨewua títeche tájun teʼkai tikukuí (Revelación [Apocalipsis] 21:3, 4).

¿NIRƗRIʼ TEʼ RANTSAWUATYEN Ɨ BIBLIA?

Jee, wuapuakaʼ tu seiʼran:

• Ɨ Jesús pu rataseiʼrataka titɨ tɨ wuatarɨristari tɨpua ari tíaiʼta. Ayepu tiwoumuaʼte ɨ meʼ jamuan wuakɨka meʼ ratawuabi tɨ ari tíaiʼta ɨ Dioʼ jaʼta tɨ ari ayen wuarɨnyi tɨʼ tíxɨebe iyen chanaka japua (Mateo 6:9, 10). Jaʼta puʼ rataseiʼratya jeiʼtɨ rɨni matɨʼ tyiwuabiraka.

  Tɨʼ yen wuatebeka chanaka japua ɨ Jesús tyiwoumí ɨ meʼ tɨeʼkuka, tyiwuowua ɨ meʼ tyíkukuika jaʼta seika ɨ mɨchite wuautarurite (Mateo 15:29-38; Juan 11:38-44). Ɨ tɨ aɨn titebe jame purí kɨʼka tyutaseiʼrataka titɨ tɨ jairuren ɨ tɨ tyiwoutaaíʼtesin (Revelación 11:15).

• Jeiʼtɨ tityarɨsin naiʼmikɨe ɨ chanaka japua jamitɨere tɨ ɨ Dioʼ ari tɨn tíaiʼta jame. Jesús jaʼmí pu rataxaʼtaka tɨn amuakaikan púyee tírɨni tɨn naiʼmikɨe ɨ chanaka japua maunyaosite muʼ muajun maʼta jeiwua túritse muajun jaʼta ɨ chueʼ wuatyauʼkatsɨxɨsin amɨpui taseiʼrate tɨn kapúche jeiwua jatura tɨ tiutaíʼta tɨí naa tyiene jame (Mateo 24:3, 7).

  Ayetutyiʼ jenen tiseiʼ iji tɨ pɨtirɨkɨ. Tetyatsawuate tikuʼ tɨn ayepuʼ tejaurenesin tɨrɨʼ tiururen tɨ tyitebeʼ jame.