¿Jeiné muee petímuatse tyitakí pɨrɨkɨ ɨ Biblia?

JEIʼTƗ TYIRAXA Ɨ BIBLIA

“Naiʼmi tɨʼnaa téyusi ɨ yuxari jetse aápu eirámekan ɨ Dioʼ jemi.”(2 Timoteo 3:16, Traducción del Nuevo Mundo.)

¿JEINÉ TYITABAƗRE TEʼ RAMUARE?

Ɨ Biblia jetse tu ratyáuni jeiʼte wuarɨnyi tyataʼ naa taxɨewua títecheʼka (2 Timoteo 2:7).

Teʼtyáuni jeiteʼ wuarɨnyi teʼnaa tyatamuaʼka anaʼtɨna (Mateo 7:12).

Jeiwua tunaa enen tiʼchueebesin meʼkaíwuaye (Romanos 15:4).

¿NIRƗRIʼ TEʼ RANTSAWUATYEN Ɨ BIBLIA?

Jee, wueikaka tu seiʼran:

• Kapú seiʼ saɨkɨe tixa ruxɨeʼpu. 40 muʼ araxka ɨ tyeɨte Biblia meʼ jauyuxaka maʼta jatye 1,600 nyinyeira meʼ tyeyuxa. Seika kamú wuaumuateka. Jaɨʼmu naiʼmin tyaxaʼta jeiʼtɨ ɨ Dioʼ jantyegua jaʼta ɨ tɨ tíaiʼta.

• Kamú wueʼitsi jɨn tyeuyuxaka. Seika meʼ rayɨtɨ meʼ tyauyuxa janaʼta muʼ kai rauteyuxa tɨpuaʼ muanyausen maʼta wuamuaiʼtɨchen. Jaʼta ɨ Biblia meʼ jauʼyuxaka kamú titɨ wuateabataka yatɨ meʼ jauteɨtseʼ matɨ maʼta kai tirateabataka matɨ jauteɨtseʼ ɨ tyaɨte jaumeʼ jecheʼka (2 Crónicas 36:15, 16; Salmo 51:1-4).

• Janaʼtɨna puʼ ayen tyajauʼrene jeitɨ tiuxaʼtsiwuakaʼ. Jauteyuusiwuaka ɨ Biblia jetse tɨn ɨ Mesias japuʼ jenuiwuan Belén (Miqueas 5:2). ¿Jauné jaunuiwuakaʼ ɨ Jesús? Jaaʼna Belén (Mateo 2:4-6).

  Jaʼtawua seika tɨ téuyusiʼwuaka ayepuʼ jaʼta tyajauʼrene. Ayepu jiʼ tirɨri teʼ ɨ Dioʼ nyuka jetse tyiutekanyen (2 Pedro 1:21).