Kantik Salomon
6 “Ou sa pli zoli fiy,
Kote sa enn ki ou kontan in ale?
Ki semen sa enn ki ou kontan in pran?
Annou al rod li.”
2 “Sa enn ki mon kontan in desann dan son zarden,
Dan son zarden zepis,
Pour li pran swen avek son troupo dan bann zarden
E pour pran bann fler lis.
3 Mwan, mon pour sa enn ki mon kontan
E sa enn ki mon kontan i pour mwan.
I pe pran swen avek son troupo parmi bann fler lis.”
4 “Ou sa enn ki mon kontan, ou zoli parey Tirza,*
Ou zoli parey Zerizalenm,
Ou enpresyonan parey bann larme avek zot bann lansenny.
5 Aret get mwan,
Parski mon pa kapab reziste.
Ou seve i parey en troupo kabri
Ki pe desann lo bann montanny Gilead.
6 Ou ledan i parey en troupo mouton
Ki sorti bennyen.
Zot tou zot in ganny bann zimo
E napa enn ki’n perdi son piti.
7 Ou lazou* par deryer ou vwal
I parey en bout grenad.
9 Me zis enn ki mon kolonm,* sa enn ki napa defo.
Son manman napa en lot fiy ki parey li.
Sa madanm ki’n ganny li i pli kontan li.*
Bann fiy i vwar li e zot felisit li.
Bann larenn ek bann konkibin i vwar li e zot felisit li.
10 ‘Lekel sa fiy ki pe klere* parey soley dan granmaten,
Ki zoli parey plennlin,
Ki pir parey lalimyer soley,
Ki enpresyonan parey bann larme avek zot bann lansenny?’”
11 “Mon ti desann dan zarden kot i annan bann pye fri*
Pour mwan vwar bann pti plant ki pe pouse dan vale,*
Pour mwan vwar si bann pye rezen in bourzonnen*
E pour mwan vwar si bann pye grenad in fleri.
13 “Soulamit, retournen, retournen!
Retournen, retournen,
Pour nou kapab get ou!”
“Akoz zot pe get sa Soulamit?”
“I parey de group ki pe danse!”*