Psonm
105 Remersye Zeova,+ loue* son non.
Fer bann pep konn sa ki i’n fer!+
3 Loue son non sen avek lafyerte.+
Ki bann dimoun* ki rod Zeova i dan lazwa.+
4 Rod Zeova+ e demann li son lafors.
Toultan rod son led.*
5 Rapel bann keksoz merveye,
Bann mirak ek zizman ki i’n fer,+
6 Zot bann desandans Abraam son serviter,+
Zot bann garson Zakob, sa bann ki i’n swazir.+
7 Li menm Zeova nou Bondye.+
I ziz later antye.+
8 I rapel son lalyans pour touzour,+
Sa promes ki i’n fer* ziska mil zenerasyon,+
9 Sa lalyans ki i’n fer avek Abraam+
E sa serman ki i’n fer avek Izaak,+
10 Ki i ti etabli konman en lalwa avek Zakob
E konman en lalyans permanan avek Izrael,
11 Ler i ti dir, “Mon pou donn ou pei Kanaan+
Konman ou leritaz.”+
13 Zot ti marse sorti dan en pei pour al dan en lot pei,
Sorti dan en rwayonm pour al kot en lot pep.+
15 I ti dir, “Pa bezwen tous sa bann ki mon’n swazir
E pa bezwen fer nanryen mal avek mon bann profet.”+
16 I ti fer en lafanmin vin dan sa pei.+
I ti detrir zot rezerv dipen.*
17 Avan zot, i ti anvoy en zonm
Ki apel Zozef ki ti ganny vann konman en lesklav.+
18 Zot ti anmar* son lipye avek lasenn+
E zot ti met en lasenn dan son likou
19 Ziska ki parol Bondye ti ganny realize.+
Parol Zeova ti rafin li.
20 Lerwa ti donn lord pour larg li,+
Sef sa bann pep ti liber li.
21 I ti met li ansarz son lakaz
E sef lo tou son propriyete.+
23 Alor Izrael ti vin Lezip+
E Zakob ti reste konman en etranze dan pei Kam.
24 Bondye ti fer son pep fer bokou zanfan.+
I ti fer zot vin pli for ki zot bann lennmi.+
25 I ti les son bann lennmi konmans ay son pep
E fer konplo kont son bann serviter.+
27 Zot ti fer son bann siny parmi sa bann dimoun,
Son bann mirak dan pei Kam.+
28 I ti anvoy fernwanr e pei ti dan fernwanr.+
Zot* pa ti dezobeir son parol.
29 I ti fer delo bann Ezipsyen vin disan
E touy zot pwason.+
30 I ti annan grenwir partou dan zot pei,+
Menm dan bann lasanm lerwa.
33 I ti touy zot pye rezen, zot pye fig
E detrir bann pye dibwa dan zot teritwar.
34 I ti donn lord pour ki bann sotrel,
En kantite zenn sotrel i anvai pei.+
35 Zot ti devor tou bann plant dan pei
E tou sa ki ti pouse lo later.
37 I ti fer son pep sorti dan sa pei avek lor ek larzan+
E parmi son bann tribi, personn pa ti tonbe.
40 Zot ti demande e i ti donn zot kay.*+
I ti kontinyen donn zot dipen sorti dan lesyel.+
41 I ti fann en ros e delo ti koule.+
Delo ti koule dan dezer parey en larivyer.+
42 Parski i ti rapel sa promes sen ki i ti fer avek Abraam son serviter.+
43 Alor i ti fer son pep kit sa pei dan lazwa,+
Bann ki i’n swazir ti selebre ler zot ti ale.
44 I ti donn zot pei lezot nasyon.+
Zot ti ganny donnen bann keksoz ki lezot pep ti’n travay dir pour gannyen,+
45 Pour ki zot swiv son bann lord+
E obeir son bann lalwa.
Loue Ya!*