Kantik Salomon
6 “Ou sa pli zoli fiy,
Kote sa enn ki ou kontan in ale?
Ki semen sa enn ki ou kontan in pran?
Annou al rod li.”
2 “Sa enn ki mon kontan in desann dan son zarden,
Dan son zarden zepis,
Pour li pran swen avek son troupo dan bann zarden
E pour kas bann fler lis.+
3 Mwan, mon pour sa enn ki mon kontan
E sa enn ki mon kontan i pour mwan.+
I pe pran swen avek son troupo parmi bann fler lis.”+
4 “Ou sa enn ki mon kontan,+ ou zoli parey Tirza,*+
Parski mon pa kapab reziste.
Ou seve i parey en troupo kabri
Ki pe desann lo bann montanny Gilead.+
6 Ou ledan i parey en troupo mouton
Ki sorti bennyen.
Zot tou zot in ganny bann zimo
E napa enn ki’n perdi son piti.
7 Ou lazou* par deryer ou vwal
I parey en bout grenad.
Ek en kantite zenn fiy ki pa kapab ganny konte.+
9 Me zis enn ki mon kolonm,*+ sa enn ki napa defo.
Son manman napa en lot fiy ki parey li.
Sa manman ki’n ganny li i pli kontan li.*
Bann fiy i vwar li e zot felisit li.
Bann larenn ek bann konkibin i vwar li e zot felisit li.
10 ‘Lekel sa fiy ki pe klere* parey soley dan granmaten,
Ki zoli parey plennlin,
Ki pir parey lalimyer soley,
Ki enpresyonan parey bann larme avek zot bann lansenny?’”+
11 “Mon ti desann dan zarden kot i annan bann pye fri*+
Pour mwan vwar bann pti plant ki pe pouse dan vale,*
Pour mwan vwar si bann pye rezen in bourzonnen*
E pour mwan vwar si bann pye grenad in fleri.
12 San realize,
Mon ti al
Kot bann saret bann dimoun enportan.”*
13 “Soulamit, retournen, retournen!
Retournen, retournen,
Pour nou kapab get ou!”
“Akoz zot pe get sa Soulamit?”+
“I parey de group ki pe danse!”*