Kantik Salomon
7 “Ou sa fiy enportan,
Ou lipye i zoli dan ou sandalet!
Laform ou lazanm i parey bann bizou
Ki en artizan in fer.
2 Ou lonbri i en bol ron.
Ki i toultan annan diven ki’n ganny melanze ladan.
Ou vant i en ta dible
Ki antoure avek bann fler lis.
3 Ou tete i parey de pti serf,
Zimo en gazel.+
4 Ou likou+ i parey en latour ki’n ganny fer avek ivwar.*+
Ou lizye+ i parey bann basen Esbonn,+
O bor baro Bat-Rabim.
Ou nennen i parey latour Liban
Ki vir dan direksyon Damas.
5 Ou latet i zoli parey Karmel+
E ou seve*+ i parey lalenn mov.+
Lerwa i enpresyonnen* ler ou larg ou seve.
6 Ou sa fiy ki mon kontan, konpare avek tou lezot keksoz ki vreman zoli,
Ou pli zoli e ou fer mwan kontan!
7 Ou parey en pye palm
E ou tete i parey bann grap dat.+
8 Mon ti dir, ‘Mon pou mont lo sa pye palm
Pour mwan pran son bann fri.’
Ki ou tete i parey bann grap rezen,
Ki ou labous i santi loder ponm
9 E ki ou labous* i parey sa pli bon diven.”
“Ki i glise an desandan pour sa enn ki mon kontan
E koule dousman lo lalev bann dimoun ki pe dormi.
10 Mwan, mon pour sa enn ki mon kontan+
E i anvi mwan.
11 Ou sa enn ki mon kontan, vini,
Annou al dan lakanpanny.
Annou reste parmi bann pye roukou.*+
12 Annou lev boner pour nou al dan plantasyon rezen
Pour nou vwar si pye rezen in bourzonnen,*
Si bann fler in fleri,+
Si bann pye grenad in fleri.+
Laba, mon pou montre ou ki mon kontan ou.+
13 Bann mandragor*+ i anvoy loder.
I annan tou sort kalite bon fri kot nou laport.+
I annan bann fri ki’n fek ganny kase ek bann fri ki’n ganny kase depi lontan,*
Ou sa enn ki mon kontan, mon’n anmas zot pour ou.