Progranm Renyon Servis

Semenn le 12 Me

Kantik 1

10 min: Lanons lokal. Lanons apropriye dan Nou Minister Rwayonm. Par servi sizesyon lo paz 8, fer de demonstrasyon pour montre konman pour prezant Latour Veyer le 1 Me (Angle/Franse) ek Réveillez-vous! le 8 Me. Dan sak prezantasyon, tou le de magazin i devret ganny ofer konman en per, menm si zis enn ki ganny prezante. Enkli laranzman kontribisyon.

20 min: Paran—Ed ou Zanfan pour progrese. En diskour ki diskit bann pwen enportan dan liv Lekol Minister, paz 9-12 ek 21-38. Ankouraz bann paran pour servi serten sa lenformasyon dan zot letid fanmiy, avek bi pour form zot zanfan pour progrese dan minister. Atir latansyon lo bann pwen spesifik ki kapab ganny servi pour ed bann zenn devlop bann abilite neseser.

15 min: “Nou’n ganny konfye avek sa bon Nouvel.”a Fer laranzman davans pour ki enn oubyen de proklanmater i eksplike briyevman konman zot ti kapab aranz zot sitiasyon personnel pour zot kapab ogmant zot partisipasyon dan travay predikasyon.

Kantik 46 ek lapriyer final.

Semenn le 19 Me

Kantik 62

15 min: Lanons lokal. Rapor kont. Diskit “Konstriksyon Lasal Rwayonm Enternasyonal dan serten Pei Lerop.” Fer resorti ki konstriksyon bann Lasal Rwayonm dan bann pei ki napa bokou resours ek dan nou teritwar i ganny soutenir par bann kontribisyon ki ganny fer pour Fon Lasal Rwayonm.

15 min: Bezwen lokal.

15 min: “Loue Zeova par donn Temwannyaz enformel.” Diskour ek diskisyon avek lodyans. Ler pe diskit paragraf 3, demann lodyans kwa ki kapab ganny dir pour konmans en konversasyon lo Labib dan sa bann sitiasyon swivan: (1) ler pe debout dan en laliny kot kontwar, (2) ler pe servi transpor piblik, (3) avek en vwazen ki pe travay an deor son lakaz, (4) avek en koleg travay kot ou landrwa travay, (5) avek en kanmarad laklas kot lekol. Fer laranzman davans pour annan en leksperyans lokal ki montre konman en proklanmater ti reisi donn en temwannyaz enformel.

Kantik 135 ek lapriyer final.

Semenn le 26 Me

Kantik 174

10 min: Lanons lokal. Rapel tou proklanmater pour remet zot rapor servis pour mwan Me. Par servi sizesyon lo paz 8, fer de demonstrasyon pour montre konman pour prezant Latour Veyer le 15 Me (Angle/Franse) ek Réveillez-vous! le 22 Me. Dan sak prezantasyon, tou le de magazin i devret ganny ofer konman en per, menm si zis enn ki ganny prezante. Alafen enn ant le de demonstrasyon, kit en trak Eski ou ti a kontan konn plis lo Labib? avek sa met lakour ki pa ti aksepte magazin.

10 min: Kwen Kestyon. En diskour. Briyevman revwar serten sizesyon pour bann prezantasyon telefonn ki dan Nou Minister Rwayonm Fevriye 2001, paz 6, paragraf 12-15, oubyen lezot sizesyon ki’n efikas dan nou teritwar.

25 min: “Parol Bondye i Laverite.”b Servi bann kestyon ki’n ganny fourni. Envit lodyans pour fer komanter lo konman zot ti ganny ede pour aprann laverite ler bann proklanmater ti servi Labib pour reponn zot kestyon. Ler pe diskit paragraf 4, fer en proklanmater kalifye demontre konman pour servi Labib lo premye vizit, par servi serten sizesyon dan sa lartik “Anons byen Mesaz Laverite.”—km 12/01 p. 1 par. 3-4.

Kantik 188 ek lapriyer final.

Semenn le 2 Zen

Kantik 210

10 min: Lanons lokal. Revwar enn oubyen de sizesyon dan sipleman Nou Minister Rwayonm Zanvye 2002 pour prezant brosir Ekspekte ek liv Konnesans. Mansyonn lide prensipal sa bwat “Servi zot byen.”

20 min: Bondye i ekspekte ki Maryaz i onorab. Diskour ek diskisyon avek lodyans. Dan bokou pei, i komen pour bann koup viv ansanm san ki zot marye legalman. Serten i pretann ki sa i annan bann lavantaz pratik. Fer resorti pwennvi Labib, e aksantye ki Bondye ki loter maryaz. (rs-E p. 248-9, rs-F p. 224-5) Viv ansanm san marye i fornikasyon. (fy p. 17) Kontrerman avek sa ki bokou dimoun i krwar, bann resers i montre ki viv ansanm avan marye i redwir sans ki sa maryaz pou reisi. (g02 8/3 p. 29; g92 8/9 p. 28; g91 8/5 p. 28) Bann Kretyen i onor Zeova par respekte son bann standar. Par fer sa, zot osi zot benefisye.—Iza. 48:17, 18.

15 min: Konman ou pe benefisye? Diskisyon avek lodyans e pour ganny prezante par sirveyan lekol. Depi Zanvye, nou ti ganny entrodwir avek en nouvo progranm pour Lekol Minister Teokratik. Briyevman revwar serten nouvo laspe sa lekol. Fer resorti bann byenfe pozitif ki’n ganny obzerve ziska prezan. Eski plis zelev in antre dan lekol? Eski in annan en gran lantouzyasm pour partisipe? Ki mannyer bann zelev pe benefisye avek sa nouvo laranzman pour donn konsey? Envit lodyans pour dir konman zot in personnelman benefisye ziska prezan e konman zot santi sa nouvo progranm pou ed zot dan lavenir.

Kantik 225 ek lapriyer final.

[Not anba lo paz]