Kwa ki kapab ed ou pour rapel bann verse Labib?

Eski ou’n deza vwar li difisil pour rapel ou verse prefere? Petet i en verse ki rekonfort ou, ki ed ou pour aret annan bann move panse oubyen i en verse ki ou anvi partaz avek en dimoun. (Ps. 119:11, 111) Annou vwar serten sizesyon ki kapab ed ou rapel bann verse.

• Servi JW Library^®. Dan JW Library, kree en tag e apel li “Verse prefere.” Dan sa seksyon ou kapab azout okenn verse ki ou anvi rapel.

• Met sa verse dan en landrwa kot ou kapab vwar. Ekri sa verse ki ou anvi rapel lo en papye e met li dan en landrwa kot ou pou vwar li souvan. Serten dimoun i met li o bor zot laglas tandis ki serten i met li lo zot fridz. I annan lezot ankor ki tir portre sa verse e apre met sa portre konman screensaver lo zot telefonn oubyen konpiter.

• Servi bann pti kart. Lo en kote sa kart, ekri non sa liv Labib, sapit ek verse kot sa verse i ete e lo lot kote, ekri sa ki ganny dir dan sa verse. Apre, get sa kote kot i annan non sa liv Labib e esey rapel ki i ganny dir dan sa verse. Oubyen get sa kote kot i mete ki i ganny dir dan sa verse e esey mazinen ki liv Labib sa verse i ladan.