Kantik Salomon
1 Sa pli zoli kantik* ki Salomon in ekri:+
3 Ou bann delwil i santi bon.+
Ou non i parey en delwil santi bon ki’n ganny vide.+
Sanmenm sa, bann zenn fiy i kontan ou.
4 Anmenn mwan avek ou,* annou taye.
Lerwa in anmenn mwan dan son bann lasanm!
Annou dan lazwa e selebre ansanm.
Annou koz lo* ou lanmour,* ou lanmour i pli bon ki diven.
Zot* annan rezon kontan ou.
5 Bann fiy Zerizalenm, mon nwanr, me mon zoli,
Parey bann latant Kedar,+ parey bann latwal latant+ Salomon.
6 Pa bezwen get mwan parski mon nwanr,
Parski soley in tap lo mwan.
Bann garson mon manman ti ankoler avek mwan.
Zot ti fer mwan vey bann plantasyon rezen,
Me mon pa ti vey mon prop plantasyon rezen.
7 Ou sa enn ki mon kontan en kantite, dir mwan
Kote ou anmenn ou troupo manz zerb+
E kote ou fer zot repoze dan midi.
Akoz mon devret fer parey en madanm ki kouver son figir avek en vwal*
Ler mon parmi troupo ou bann zanmi?”
8 “Ou sa pli zoli fiy, si ou pa konnen,
Swiv semen kot troupo in pase
E anmenn ou bann pti kabri manz zerb o bor bann latant bann berze.”
9 “Ou sa enn ki mon kontan, ou parey en* femel seval ki anmenn bann saret Faraon.+
10 Bann bizou* i fer ou lazou zoli,
Bann kolye i fer ou likou zoli.
11 Nou pou fer bann bizou* annor pour ou
E met bann bout larzan* lo la.”
12 “Ler lerwa i asiz lo son latab ron,
Mon lesans+ i anvoy en bon loder.
13 Sa enn ki mon kontan i parey en sak lamir* ki santi bon+
Ki pas lannwit ant mon tete.
14 Sa enn ki mon kontan i parey en grap roukou*+
Dan bann plantasyon rezen Enn-Gedi.”+
15 “Gete! Ou sa enn ki mon kontan, ou zoli.
Gete! Ou zoli. Ou lizye i parey lizye bann kolonm.”*+
16 “Gete! Ou sa enn ki mon kontan, ou zoli e ou fer mwan kontan.+
Nou lili i parmi bann fey.
17 Bann bim nou lakaz* in ganny fer avek pye sed
E plafon in ganny fer avek pye zenevriye.*