Seis millón chʌmeñoʼ bʌ tiʼ caj COVID | ¿Chuqui miʼ yʌl jiñi Biblia?

Jiñi Organización Mundial de la Salud (OMS) tsiʼ yʌlʌ chaʼan ti 23 de mayo ti 2022 chʌmeñob 6.27 millón lac piʼʌlob tiʼ caj jiñi COVID-19. Pero ti jumpʼejl informe tsaʼ bʌ i yʌlʌ jiñi OMS cheʼ ti 5 de mayo ti 2022 tiʼ subuyob chaʼan tajol ñumen cabʌlobto tsaʼ bʌ chʌmiyob. Tsiʼ yʌlʌ chaʼan ti 2020 cʼʌlʌl 2021 «tsaʼ chʌmiyob tiʼ caj COVID-19 o tajol tiʼ caj COVID-19 [...] cheʼ bʌ 14.9 millón lac piʼʌlob». ¿Am ba chuqui miʼ yʌl jiñi Biblia chaʼan iliyi?

Jiñi Biblia tsiʼ wʌn alʌ chaʼan miʼ cajel tsʌts bʌ cʼamʌjel tac

•  Jesús tsiʼ wʌn alʌ chaʼan ti «jiñi cojix tac bʌ qʼuin» miʼ cajel «cʼamʌjel muʼ bʌ i pam pujquel» (2 Timoteo 3:1; Lucas 21:11, I tʼan Dios ti chʼol Tumbalá).

Ili profecía tsaʼ bʌ i yʌlʌ Jesús wolix i tsʼʌctiyel. Chaʼan maʼ ñumen ñaʼtan, pejcan jiñi temaj: «¿Cuál es la señal de ‹los últimos días› o ‹los tiempos finales›?».

Jiñi Biblia miʼ ñuqʼuesan lac pusicʼal

•  «Jiñi Dios muʼ bʌ i ñuqʼuesʌben i pusicʼal lac piʼʌlob [...] jiñʌch muʼ bʌ i ñuqʼuesan lac pusicʼal tiʼ pejtelel lac wocol» (2 Corintios 1:3, 4).

Cabʌlob am bʌ majqui chʌmeñob i chaʼan tajbilob i chaʼan i coltʌntel yaʼ ti Biblia. Pejcan jiñi tema «¿Bajcheʼ miʼ mejlel lac ñusan majlel jiñi chʼijyemlel? Wen tac bʌ ticʼojel» yicʼot «Wem bʌ coltaya chaʼan jiñi chʼijyemoʼ bʌ».

Jiñi Biblia miʼ yʌl bajcheʼ mi caj i tojʼesʌntel ili wocol

•  «Laʼ tilic a Yumʌntel. Laʼ mejlic chuqui a wom wʌʼ ti lum cheʼ bajcheʼ yaʼ ti panchan» (Mateo 6:10).

Tsʼitaʼ jax yom chaʼan «jiñi i Yumʌntel Dios» miʼ tsʼʌctesan iliyi: «Maʼanix mi juntiquilic muʼ bʌ caj i yʌl: ‹Cʼamon›» (Marcos 1:14, 15; Isaías 33:24). Chaʼan maʼ ñumen cʌn chaʼan bʌ ili yumʌntel yicʼot chuqui mi caj i mel, qʼuele jiñi video ¿Chuqui jiñi i Yumʌntel Dios?

Mic subeñet lon chaʼan maʼ ñumen cʌn muʼ bʌ i yʌl jiñi Biblia. Cheʼ bajcheʼ jiñi, temel yicʼot a familia mi caj i mejlel laʼ cʌn jiñi ticʼojel tac yicʼot albil tac bʌ i chaʼan Dios muʼ bʌ i mejlel i coltañetla.