Tsaʼ ñumi tsʌts bʌ yujquel ti Turquía yicʼot ti Siria | ¿Chuqui miʼ yʌl jiñi Biblia?

Ti lunes 6 de febrero chaʼan 2023, tsaʼ ñumi tsʌts bʌ yujquel ti Turquía yicʼot ti Siria.

• «Jiñi yujquel tsaʼ bʌ ñumi ti ili lunes, tiʼ tsʌnsa ñumen ti 3,700 lac piʼʌlob añoʼ bʌ ti Turquía yicʼot tiʼ noroestejlel Siria. Cheʼ jaʼel wen an tsʌñal, jin chaʼan wocol woli i ñusañob jiñi tsaʼ bʌ lojwiyob yicʼot tsaʼ bʌ jejmiyob i yotot. I tiʼ caj jiñi tsʌñal wocol chaʼan miʼ sʌclʌntel mi anto majqui cuxul tsaʼ cʌleyob» (Reuters, 6 de febrero chaʼan 2023).

Miʼ wen aqʼueñonla lac chʼijyemlel cheʼ mi la cubin noticia tac cheʼ bʌ bajcheʼ iliyi. Cheʼ miʼ yujtel wocol tac bajcheʼ iliyi, miʼ mejlel lac sʌclan laj coltʌntel ti Jehová come jiñʌch «jiñi Dios muʼ bʌ i ñuqʼuesʌben i pusicʼal lac piʼʌlob tiʼ pejtelel chuqui miʼ ñusañob» (2 Corintios 1:3). Cabʌl chuqui miʼ mel «chaʼan [...] miʼ ñuqʼuesʌntel lac pusicʼal ti jiñi Tsʼijbujel» (Romanos 15:4).

Yaʼ ti Biblia mi laj cʌn iliyi:

• Tsaʼ bʌ wʌn ajli chaʼan jiñi yujquel tac.

• Baqui miʼ mejlel lac taj i ñuqʼuesʌntel lac pusicʼal yicʼot lac pijtaya.

• Chuqui mi caj i mel Dios chaʼan miʼ jisan pejtelel jiñi wocol tac.

Mi a wom a cʌn chuqui miʼ yʌl jiñi Biblia chaʼan ili tema tac, pejcan ili artículo tac:

• «Tsʌts tac bʌ yujquel: ¿Am ba chuqui miʼ yʌl jiñi Biblia chaʼan jiñi?»

• «¿Dónde hallar esperanza?»

• «Mach jalix yom chaʼan Dios miʼ jisan jiñi wocol»