¿Chucoch cʌlʌxix tsʼaʼleya? | ¿Chuqui miʼ yʌl jiñi Biblia?

Ti noticia tac cʌlʌxix miʼ yʌjlel chaʼan bʌ tsʼaʼleya, tsʌnsa, jatsʼ yicʼot guerra tac.

«Tiʼ caj jiñi guerra tsaʼ bʌ tejchi ti Israel yicʼot Gaza yicʼot muʼ tac bʌ i melob jiñi wen yujiloʼ bʌ tsʼaʼleya, ti redes sociales muqʼuix i ñumen ajlel chaʼan bʌ tsʼaʼleya» (The New York Times, 15 de noviembre, 2023).
«Cʼʌlʌl ti 7 de octubre an laj qʼuele bajcheʼ woliʼ ñumen pʼojlel jiñi tsʼaʼleya, cʌlʌxix miʼ yʌjlel chaʼan bʌ tsʼaʼleya yicʼot miʼ wen ujtel jontolil tiʼ caj jiñi» (Dennis Francis, presidente de la Asamblea General de las Naciones Unidas, 3 de noviembre, 2023).

Pejtelel jiñi tsʼaʼleya, jontolil yicʼot guerra tac mach cajelicto mucʼ. Jiñi Biblia miʼ taj ti tʼan wiñicob ti wajali muʼ bʌ i mulañob jiñi guerra, i jiñi muʼ bʌ i yʌlob miʼ lajintel bajcheʼ flecha tac (Sal. 64:3; 120:7; 140:1). Pero jiñi Biblia miʼ yʌl chucoch cʌlʌx tsʼaʼleya ili ora.

Jiñi tsʼaʼleya jiñʌch ñumen am bʌ ili ora

Jiñi Biblia miʼ taj ti tʼan chaʼchajp chucoch wen an tsʼaʼleya.

1. Tsiʼ wʌn alʌ chaʼan mi caj i cʼotel i yorajlel jiñi lac piʼʌlob maʼañix mi caj i pʌsob cʼuxbiya (Mateo 24:12). Mucʼ jach caj i yutsi acʼob ti pʼojlel tsʼaʼleya (2 Timoteo 3:1-5).
2. Jiñi Biblia miʼ yʌl chaʼan «jiñi pañimil an tiʼ pʼʌtʌlel Satanás». Jin chaʼan, mi laj qʼuel chaʼan ili ora cʌlʌxix tsʼaʼleya yicʼot jontolil (1 Juan 5:19; Apocalipsis 12:9, 12).

Pero jiñi Biblia miʼ yʌl jaʼel chaʼan Dios mi caj i junyajl jisan jiñi tsʼaʼleya. Cheʼ jaʼel, mi caj i jisan jiñi wocol tac muʼ bʌ i yʌcʼ. Jiñi Biblia miʼ yʌl:

Dios «mi caj i sujcubeñob i yaʼlel i wut, maʼañix miʼ cajel chʌmel, mi muqʼuicto i cajel chʼijyemlel, uqʼuel yicʼot cʼuxyajiyel. Jiñi an tac bʌ ti ñaxan tsaʼix jili» (Apocalipsis 21:4).