Bajcheʼ miʼ mejlel lac taj lac pijtaya ti 2024 | ¿Chuqui miʼ yʌl jiñi Biblia?

Cabʌl miʼ ñaʼtañob chaʼan maʼañic mi caj i tojʼan jiñi wocol tac tal bʌ ti 2024. Pero añʌch lac pijtaya. ¿Baqui miʼ mejlel lac taj?

Jiñi Biblia miʼ yʌqʼueñonla lac pijtaya

Jiñi Biblia miʼ yʌl chaʼan Dios mi caj i jisan jiñi wocol tac muʼ bʌ i chilbeñonla lac pijtaya i miʼ yʌl muʼ bʌ caj i mel tiʼ tojlel lac piʼʌlob: «Mi caj i sujcubeñob i yaʼlel i wut, maʼañix miʼ cajel chʌmel, mi muqʼuicto i cajel chʼijyemlel, uqʼuel yicʼot cʼuxyajiyel» (Apocalipsis 21:4).

•  Mi a wom a ñumen cʌn chuqui miʼ yʌl jiñi Biblia, pejcan jiñi tema «Jumpʼejl i sujm bʌ pijtaya chaʼan miʼ tojʼan ili pañimil».

Bajcheʼ miʼ mejlel i coltañet jiñi Biblia ili ora

Jiñi pijtaya muʼ bʌ i yʌcʼ jiñi Biblia miʼ mejlel i coltañet chaʼan maʼañic maʼ cʌlʌx ubin a chʼijyemlel yicʼot chaʼan maʼ ñaʼtan chuqui wem bʌ (Romanos 15:13). Cheʼ jaʼel, jiñi Biblia miʼ yʌcʼ ticʼojel tac muʼ bʌ i mejlel i coltañet chaʼan maʼ cuch jiñi wocol tac woli bʌ a ñusan, tajol tiʼ caj maʼañic a taqʼuin, woli a ticʼlʌntel o tiʼ caj jumpʼejl cʼamʌjel.

•  Qʼuele bajcheʼ jiñi pijtaya am bʌ ti Biblia tsiʼ colta juntiquil wiñic chaʼan miʼ taj i tijicñʌyel yicʼot i ñʌchʼtʌlel anquese pʼumpʼun tsaʼ coli. Qʼuele jiñi video Juan Pablo Zermeño: Jehová tsiʼ coltayon c taj wem bʌ cuxtʌlel.

•  Qʼuele bajcheʼ jiñi Biblia miʼ mejlel i coltañet cheʼ bʌ an majqui miʼ chʌmel a chaʼan, chʼijyemet tiʼ caj a sajtemal o tiʼ caj an a ansiedad. Pejcan jiñi tema «¿Muʼ ba i mejlel c taj i ñuqʼuesʌntel c pusicʼal yaʼ ti Biblia?».

•  Qʼuele bajcheʼ juntiquil xʼixic tsaʼ bʌ ajñi bajcheʼ soldado tsiʼ taja i pijtaya yaʼ ti Biblia anquese miʼ lon ñaʼtan chaʼan «tsʌts i pusicʼal yicʼot chʼijyemticax miʼ yubin i bʌ». Qʼuele jiñi video «Cambié las armas por la Biblia».

¿Muʼ ba a mulan chaʼan jatet yicʼot a familia wen mi laʼ ñusan ti ili 2024? Jiñi Biblia miʼ mejlel i coltañet chaʼan miʼ mejlel a taj. Chʼʌmʌ jiñi estudio chaʼan jiñi Biblia a wicʼot juntiquil muʼ bʌ i coltañet i cʌñʌ bajcheʼ Dios miʼ mejlel i yʌqʼueñet ñʌchʼtʌlel yicʼot utsʼatax bʌ a pijtaya (Jeremías 29:11).