Programa chaʼan i pejcʌntel jiñi Biblia

Yaʼ ti Biblia mi lac taj jiñi ñumen wem bʌ ticʼojel tac. Yom mi lac pejcan ti jujumpʼejl qʼuin, miʼ lac wen ñaʼtan yicʼot mi lac mel ti laj cuxtʌlel chuqui mi laj cʌn chaʼan utsʼat mi la cajñel (Josué 1:8; Salmos 1:1-3). Cheʼ jaʼel mi caj i cʼotel laj cʌn Dios yicʼot i Yalobil, ili mi caj i coltañonla lac taj laj cuxtʌlel (Juan 17:3).

¿Bajcheʼ yom mi lac pejcan jiñi Biblia? An cabʌl bajcheʼ miʼ mejlel lac mel. Yicʼot ili programa chaʼan i pejcʌntel jiñi Biblia tsolocñaʼ miʼ mejlel a pejcan o ti temaj tac. Jumpʼejl ejemplo, mi tsaʼ pejca ti temaj tac, mi caj a cʌn jiñi relato tiʼ tojlel Dios yicʼot jiñi israelitajob. Cheʼ jaʼel, miʼ mejlel a pejcan bajcheʼ tsaʼ tejchi jiñi congregación ti wajali. Mi ti jujumpʼejl qʼuin maʼ pejcan cheʼ bajcheʼ miʼ tilel, mi caj i yujtel a pejcan jiñi Biblia ti jumpʼejl jach jab.

Mi woli a sʌclan jumpʼejl programa chaʼan i pejcʌntel Biblia, a wom a pejcan ti jumpʼejl jab o mi cojach a wom a tech a pejcan, ili programa mi caj i coltañet. Miʼ mejlel a tech ti ili qʼuin: Chaʼlen ti descargar jiñi programa chaʼan i pejcʌntel jiñi Biblia, cheʼ jaʼel miʼ mejlel a chaʼlen ti imprimir.