I tejchibal jiñi sección 11

Ti ili sección mi caj laj cʌn muʼ bʌ i yʌjlel yaʼ ti Tsʼijbujel Griego. Mi caj laj cʌn chaʼan Jesús tsaʼ chʼocʼa ti jumpʼejl tejclum baqui chumul jumpʼejl familia mach bʌ wen añobic i taqʼuin, i tsiʼ chaʼle jucʼteʼ yicʼot i tat. Jesús mi caj i sujtel ti xColtaya i chaʼan quixtañujob. Jehová tsiʼ yotsa ti Rey ti panchan. Mi an a walobilob, subeñob chaʼan Jehová tsiʼ yajca toj bʌ familia chaʼan wen baqui miʼ colel Jesús, i chaʼan Jehová tsiʼ cʌnta cheʼ bʌ Herodes tsiʼ ñopo i tsʌnsan. Maʼan chuqui miʼ mejlel i mʌctan chaʼan mi tsʼʌctiyel i tʼan Jehová. Subeñob chaʼan Jehová tsiʼ yajca Juan chaʼan miʼ chajpʌben i bijlel Jesús. Alʌ chaʼan cʼʌlʌl cheʼ bʌ chut to, Jesús tsiʼ mulaj i cʌmben i ñaʼtʌbal yicʼot i jacʼben i tʼan Jehová, i mach tiʼ bajñel ñaʼtʌbalic.