I tejchibal jiñi sección 12

Jesús tsiʼ taja ti tʼan jiñi Yumʌntel am bʌ ti panchan. Tsiʼ pʌsʌ bajcheʼ yom miʼ cʼajtintel ti oración chaʼan miʼ sʌqʼuesʌntel i cʼabaʼ Dios, chaʼan miʼ tilel i Yumʌntel yicʼot chaʼan miʼ mejlel chuqui yom wʌʼ ti lum. Mi an a walobilob, coltañob chaʼan miʼ ñaʼtañob chuqui i sujmlel jiñi oración. Jesús tsiʼ pʌsʌ chaʼan miʼ qʼuel ti ñuc jiñi isujm bʌ chʼujutesaya, jin chaʼan maʼañic tsaʼ yʌcʼʌ i bʌ chaʼan Satanás miʼ cʼunʼesʌben i xucʼtilel. Tsiʼ yajca jiñi apóstolob, jiñi muʼ bʌ caj i yʌqʼueñob i tejchibal jiñi Yumʌntel. Jesús tiʼ cʼoqʼuesa cʼamoʼ bʌ, tsiʼ weʼsa jiñi añoʼ bʌ i wiʼñal yicʼot tsiʼ tejchesa jiñi tsaʼix bʌ chʌmiyob. Ili milagro tac, tsiʼ pʌsʌ muʼ bʌ caj i mel i Yumʌntel wʌʼ tiʼ lum.