Taja ti tʼan muʼ bʌ i mulan jiñi lac piʼʌlob

Tsaʼ bʌ i mele Jesús

VIDEO: Jesús miʼ pejcan juntiquil xʼixic tsaʼ bʌ cʼoti yaʼ ti pozo

1. Qʼuele jiñi VIDEO o pejcan Juan 4:6-9. Cheʼ jiñi ñaʼtan ili cʼajtiya tac:

1. ¿Chuqui tsiʼ ñaxan qʼuele Jesús chaʼan miʼ tech tʼan yicʼot jiñi xʼixic?

2. ¿Chucoch weñʌch bajcheʼ tsiʼ teche tʼan Jesús cheʼ bʌ tsiʼ yʌlʌ: «Aqʼueñon jaʼ chaʼan mic jap»?

¿Chuqui mi laj cʌn tiʼ tojlel Jesús?

2. Tajol ñumen wen mi caj lac mejlel ti tʼan la quicʼot juntiquil lac piʼʌl cheʼ bʌ mi lac taj ti tʼan jumpʼejl tema muʼ bʌ i mulan.

Lajin Jesús

3. Qʼuextan jiñi ñaʼtʌbil bʌ a chaʼan a wʌl. Mach jiñic yom maʼ tech a wʌl chuqui maʼ mulan jatet, jiñʌch chuqui miʼ mejlel i mulan jiñi lac piʼʌl. Jin chaʼan, qʼuextan jiñi ñaʼtʌbil bʌ a chaʼan i cʼajtiben a bʌ:

1. «¿Chuqui woliʼ loqʼuel ti noticia tac?».

2. «¿Chuqui miʼ yʌlob jiñi c piʼʌlob ti chumtʌl, c piʼʌlob ti eʼtel o jiñi c piʼʌlob ti clase?».

4. Qʼuele jiñi a joytʌlel. Cʼajtiben a bʌ:

1. «¿Chuqui woliʼ mel jiñi quixtañu? ¿Chuqui woliʼ ñaʼtan?».

2. «¿Bajcheʼ miʼ coltañon c ñaʼtan baqui bʌ i ñopbal o i cultura cheʼ mij qʼuel bajcheʼ yilal i pislel, i ñiʼ i wut yicʼot i yotot?».

3. «¿Yomʌch ba mic pejcan wʌleʼli?».

5. Ñʌchʼtan.

1. Mach a cʌlʌx chaʼlen tʼan.

2. Acʼʌ ti tʼan jiñi lac piʼʌl. Melben cʼajtiya cheʼ bʌ maʼ qʼuel chaʼan mucʼʌch a mejlel a mel.