Cheʼ mi la cʌcʼ wem bʌ laj comentario

Cheʼ miʼ yʌjqʼuel wem bʌ comentario yaʼ ti tempa bʌ miʼ pʼʌtʼesan jiñi congregación (Ro. 14:19). Cheʼ jaʼel miʼ taj i wenlel jiñi muʼ bʌ i yʌcʼ (Pr. 15:23, 28). Jin chaʼan, laʼ lac chaʼlen wersa la cʌcʼ jumpʼejl comentario ti tempa bʌ tac. An i tajol maʼan mi caj lac luʼ aqʼuentel, pero laʼ lac chajpan chaʼpʼejl uxpʼejl.

¿Bajcheʼ yilal wem bʌ comentario?

• Mach wocolic ti chʼʌmbentel isujm, jamʌ tsiquil yicʼot mach jalic miʼ yʌjqʼuel. Miʼ mejlel lac cʌcʼ ti 30 segundo o mach tajalic.

• Ñumen wen cheʼ ti lac bajñel tʼan mi la cʌcʼ.

• Mach lac chaʼ al tsaʼix bʌ ajli.

¿Chuqui yom mi lac mel mi joñonla tsaʼ lac ñaxan jacʼʌ?

• Laʼ lac jacʼ ti tsʼitaʼ tʼan.

¿Chuqui yom mi lac mel mi tsaʼix jajqʼui jiñi cʼajtiya?

• Laʼ laj cʼʌn jumpʼejl texto chucul bʌ yicʼot jiñi woli bʌ i qʼuejlel.

• Laʼ la cʌl bajcheʼ miʼ mejlel i coltan laj cuxtʌlel.

• Laʼ la cʌl bajcheʼ miʼ mejlel laj cʼʌn ili temaj.

• Tsʼitaʼ alʌ jumpʼejl experiencia i bajcheʼ miʼ coltañonla.