I MELBAL JIÑI XÑOPTʼAN
¿Muʼ ba c mejlel ti ochel bajcheʼ precursor auxiliar?
Jiñi i ñajal Ezequiel chaʼan jiñi templo tsiʼ pʌsʌ chaʼan jiñi añoʼ bʌ tiʼ tejclum Dios ti jumpʼejlob i pusicʼal mi caj i yʌcʼob majtañʌl. ¿Bajcheʼ miʼ mejlel la cʌqʼuen i ñuclel Dios joñonla? (He. 13:15, 16).
Junchajp bajcheʼ mi lac mel jiñʌch cheʼ mi lac sujtel ti precursor auxiliar. Ti jiñi jabil chaʼan subtʼan 2018 an cabʌl uw muʼ bʌ i chʼʌm tilel joʼpʼejl sábado o joʼpʼejl domingo. Ili miʼ mejlel i coltan jiñi mucʼ jach bʌ i loqʼuelob ti subtʼan tiʼ yujtibal semana tiʼ caj i yeʼtelob. Cheʼ jaʼel, jiñi xsubtʼañob miʼ mejlelob ti sujtel bajcheʼ precursor auxiliar chaʼan jach bʌ treinta ora cheʼ ti marzo, ti abril yicʼot ti jiñi uw cheʼ miʼ cʼotel jiñi superintendente i chaʼan circuito.
Pero ¿ixcu mi maʼañic mi lac mejlel ti ochel bajcheʼ precursor auxiliar? Añʌch chuqui miʼ mejlel lac mel: Miʼ mejlel la cʌcʼ wersa chaʼan mi lac ñumen chaʼlen subtʼan yicʼot chaʼan ñumen wen mi lac mel. Mach yʌlʌyic bajcheʼ añonla, jiñi laj cʼuxbiya ti Jehová yom miʼ ñijcañonla chaʼan mi lac chaʼlen wersa ti jiñi jabil chaʼan subtʼan 2018 (Os. 14:2).
¿Bajcheʼ miʼ mejlel c lajiben i bʌxlel jiñi Sabina Hernández?
QʼUELE JIÑI VIDEO «MI TSAʼɅCH MEJLI SABINA, MI LAC MEJLEL JAʼEL» I JACʼɅ ILI CʼAJTIYA TAC:
¿Chucoch miʼ mulan i melben i yeʼtel Jehová jiñi Sabina?
¿Bajcheʼ miʼ coltañet jiñi ejemplo i chaʼan Sabina?
¿Chuqui ti uw maʼ mejlel ti sujtel bajcheʼ precursor auxiliar ti jiñi jabil chaʼan subtʼan 2018?