Ñumen weñʼesan a subtʼan: Mele revisita tac

¿CHUCOCH ÑUC I CʼɅJÑIBAL? Jiñi muʼ bʌ i ñʌchʼtañob jiñi wen tʼan chaʼan jiñi Yumʌntel woliʼ sʌclañob i sujmlel tiʼ chaʼan bʌ Dios (Is. 55:6). Yom mi lac chʌcʌ julaʼtañob chaʼan mi laj cʌntesañob majlel. Yom mi lac ñaxan wen ñaʼtan bajcheʼ mi caj laj coltan jiñi quixtañujob come mach junlajalob i wocol. Ili mi caj i mejlel lac mel mi mucʼʌch lac wen chajpan lac bʌ yicʼot mi mucʼʌch lac ñaʼtan chaʼan woli lac chaʼ julaʼtan chaʼan mi lac tech jumpʼejl estudio.

¿BAJCHEʼ YOM MIʼ MEJLEL?

• Chaʼlen wersa chaʼan maʼ chaʼ julaʼtan ti ora (Mt. 13:19).

• Yom utset yicʼot yom maʼ qʼuel ti ñuc. Mach a chaʼlen bʌqʼuen.

• Teche a pejcan ti uts bʌ tʼan. Pejcan tiʼ cʼabaʼ. Suben chucoch woli a chaʼ julaʼtan: Chaʼan maʼ jacʼ jumpʼejl cʼajtiya, chaʼan maʼ wʌqʼuen tsijiʼ bʌ revista, chaʼan maʼ pʌsben jiñi lac página am bʌ ti Internet, jumpʼejl video o bajcheʼ miʼ mejlel jiñi estudio loqʼuem bʌ ti Biblia. Mi yambʌ temaj yom i yʌl, qʼuexe jiñi tsaʼ bʌ a ñaʼta a suben (Fil. 2:4).

• Chaʼan miʼ colel majlel jiñi i sujmlel am bʌ tiʼ pusicʼal cʼʌñʌ jumpʼejl texto o jumpʼejl jun chaʼan maʼ cʌntesan (1 Co. 3:6). Chaʼlen wersa chaʼan maʼ ñumen cʌn jiñi i yum otot.

• Chajpan cʌytʌl chaʼan maʼ chaʼ julaʼtan.